Name: Guşlar erkinligi küýsän mahaly
Item: Guşlar erkinligi küýsän mahaly
Author: Мango

Baş sahypa » » Guşlar erkinligi küýsän mahaly

01:01 Guşlar erkinligi küýsän mahaly
GUŞLAR ERKINLIGI KÜÝSÄN MAHALY Şadyýan günleriň reňki öçmesin, Jany jehenneme resmiýetleriň. Serhedin ýykaly bir bulgur bilen, Akyllysumaklaň sesi ýetmesin. Ruhuňdan sogrup zyň gandallaryňy, Şugünlik howlukma barjak ýeriňe. (Guşlar erkinligi küýsän mahaly, Gujak açyp, özün taşlar zemine.) Bahar gelse her kim owadan bolýar, Fewral, ana, hut şoň üçin howlukmaç. Guşlar geler diýip bu jalaý baglar, ýeňsesinden ösdi:r uzyn buýra saç. Käte asman ýagar, eziler ruhuň, Uzakly gün gelmez öýe giresiň. (Ýagyşy menem gowy görýän, az owlak şonda köwşüm suw geçirýär diýmeseň.) Owarram, şat ýüzüň solmasyn mydam, Ýaşasa bor jübiň deşik, köpüksiz, Bulutlaň üstünde aýagmyz sallap, Oturmagyň hyýalyny gursak biz. …Şeýdip, kellämdäki ala-gopgunly pikirlerimden men ozjak bolýaryn. Men bir ala-samsyk, köplüge giren, Şu bolşuma goşgam ýazjak bolýaryn. © Begençgeldi ORAZOW
1 2 3 4 5 Bölümler: Goşgular \| Görülen: 147 \| Mowzugy paýlaşan: Medicall \| Teg: Begençgeldi Orazow \| Рейтинг: 5.0/6

Похожие материалы

Awtoryň başga makalalary

Ähli teswirler: 4
Порядок вывода комментариев: 1 1 Мango • 02:59, 10.01.2023 Bahar gelerine howlukýan fewral. Guşlara görünjek bolup ýeňse saçyn ösdürýän jalaý baglar. bu zatlary görüp-duýup bilmek alasamsygyň iş-ä däl. goşgyňy arkaýyn ýaz, köpräk ýaz, Begençgeldi... üstünlik! 1 2 Pero • 09:49, 10.01.2023 Ýiti synçylyk bar. Diñe synçylygam ýeterlik däl,añladyp bilmek bar. Şadyýan günleriň reňki öçmesin, Jany jehenneme resmiýetleriň. Serhedin ýykaly bir bulgur bilen, Akyllysumaklaň sesi ýetmesin." hawaaa düşünýän ahwalyña eý adam,juda gowy düşünýän... 1 3 Pero • 09:52, 10.01.2023 Käte asman ýagar, eziler ruhuň, Uzakly gün gelmez öýe giresiň. (Ýagyşy menem gowy görýän, az owlak şonda köwşüm suw geçirýär diýmeseň.): düşünýän eý adam,saña düşünýän... 0 4 sussupessimist • 23:34, 19.11.2023 Gowy goşgy. Köwşüň suw geçirmegi - poeziyany poeziya edyän zat.

запомнить
Забыл пароль \| Регистрация

E-mail:
Пароль: