14:02 Kejirlik | |
| Adaty günleriñ göründi soñy, Bigam günleñ sanalgysy kemeldi. Ýaz kalbyma düşläp gyşlaryñ doñy, Umytlarma saljak bolýar kemendi. Hasylyñ gözýaşy topraga siñer, Biýaradan üzülende sapaklar. Gijäni dowzaha öwürip gider, Kalbymyñ howruna ýanan şapaklar. Şemallara kim halymy aýdypdyr? Synlap meniñ biraz yza gaýdymym Simagaçlañ simin çalyp aýdyp dur Ýeseniniñ "it hakdaky aýdymyn". Bir bahyl-a ýere berip bagryny, Meni güýzden, güýzi menden gabandy. Güýzden alyp, gussa berip wagtymy Ylhamyma ajal bolup abandy. Men dymsamam, düşüner-de oýnuma Maña derek ýeller ýazar eserim. Ine şeýdip umytlarmyñ boýnuna gussañ salan kemendini keserin. 08.10.2023ý 21:12 © Akmyrat JUMAÝEW | |
|
| |
| Ähli teswirler: 1 | |
|
| |
