04:54 Soñky sowallar | |
 SOŇKY SOWALLAR Säher bilen geçer boldum tötänden, Obañyza baryp sowulýan ýoldan. Güýzüñ güneşinden ýadyrgap tänen, Ýapraklary ýeller sowurýan ýoldan. Ýakalary tutly asfalt ýollaryñ Tolgunjyna titräp barýar ulagym. Maşynyñ rulunda titräp gollarym Gyzyp, käte üşäp barýar dulugym. Tänen ýapraklary glediçiýalañ Üýşmek teññesi deý tylla balygyñ. Ýaplaryñ raýyşy däl eken ýalañ Ýapraklar -- raýyşlañ geýen halygy. Oktýabr noýabra iş goýman Jemläp barýar etsem-petsemin güýzüñ... Bu ýollardan kä-än gatnapdym, hiç doýman... Göremok bu ýollañ ozalky tüýsün... Señ obaña barýan ýolmy bu ýollar? Ýyllar geçip beräýmeli ýüzmi bu? Ümsümlik ne? Sarylyk ne?.. Sowallar:.. Saña bolan yşkymmy bu? Güýzmi bu? 21.10.2023ý. © Akmyrat JUMAÝEW | |
|
| |
| Ähli teswirler: 0 | |