11:27 Musa Ýusubyň goşgulary | |
| MUSA ÝUSUBYŇ GOŞGULARY Ruhuň joşup dursa, Guraklykda-da, Edil Nil ýaly. Ýöne ýürek gugaryp galdy. Çernobil ýaly. Göçüp gitdi, Ýa-da gaçyp gitdi, Ýüregimden adamlar. Häzir hiç kimem menden üýtgeşikdir öýdemok. (Çünki, kitap, galam, Indi köp öýde ýok.) Onsaň haý-höwese, Kynçylyklara… Kän aýdymmy ogurlatdym. Meň şeýle uly maksatlam bardy, Hemmesini owratdym. Biri galdy. *** Meňzäp barýar soňky döwür goşgular, Otluda satylýan hilsiz haryda. “Kapyýa bar”, “gussa bar”, bar-bar bagyrsam, Belki çykar iki-ýeke hyrydar. Aşa köp goşgudan aşa düşemsoň, Az ýazmagy edinsedim ýörelge- Ýatlamalar hesretimi dürtgüçläp, Zol ýapsa-da gyzyp duran ýüregme. Guzyjygyň diri soýulşy deýin, Jan alýan bolsa-da söýgüň gussasy. Bildirmejek borun lowlap ýansamam, Bolmaýşy deý ojar oduň tüssesi. Gaýta täsin-ähli dertleň tersine, Söýgümi bukdukça hasam ýeňleýän. …Söýgäm bildiriş däl ýyrtylyp gidýän, Şäherlerde her duralga ýelmenýän. *** Ilkinji söýgüme Söz aýdyp bilmän, Ýedi ýyllap, Daşyndan guwanyp ýörşüm ýaly. Watanym, saňa ne söz aýdyp, Ne-de bir söz ýazyp bilýän. Ömür boýy her ýerde, Daşyňdan guwanyp gezerin. Dymmak iň gowy zat söýgüde, Sözlemleri ýürege gömmek... Bilýän, maňa düşünersiň, Düşünşiň dek müňlerçesine Menden öň. *** Ýa sen gözelleşýäň wagt geçdigiçe, Gyzgyn gül reňdäki türkmen haly deý. Ýa-da düşümjämde çuňlaşýaň her gün, Pyragynyň şygryndaky many deý. Uly hyýallarmy gürrüň berýärkäm, Sözüm bölüp, gözleň bilen gürleýäň. Örüm saçlaryňda edep görünýär, Hem mele gözleňde türkmen terbiýäň. *** Gel, dostum! Bu sessizligi paylaşalim, Sen talip ol yarisina, ben yarisina. Karanligi melhem diye sürelim, Kalplerin yarasine. Çeşmesi: https://biz.islenen.ru/21587-.html. 08.12.2022ý. | |
|
| |
| Ähli teswirler: 2 | |
|
| |
