17:15 Saňa ýyldyzlary sanap bereýin... | |
SAŇA ÝYLDYZLARY SANAP BEREÝIN...  Bilýäňmi? Men ýyldyzlaryň sanyny bilýän, Men saňa olary sanap bereýin! Gije olar bilen gürrüňler edýän, Saňa ýyldyzlary sanap bereýin! Adamlaryň içindäki alasyn, Bilmän geçdim bu ömrümiň ýarysyn. Ýene sarplap ömrüň galan ýarysyn, Saňa ýyldyzlary sanap bereýin! Ynsan şertli söýer, söýmez söýülmän! Yşky duýmaz bagryn ýakyp köýünmän! Asmanda durkalar heniz süýünmän, Saňa ýyldyzlary sanap bereýin! "Saýgaraňok dünýäň gara, agyny" Geň, bu dünýäň ak ýüzü-de bardymy? Bolsa, ak ýüzüne ýazyp adyňy, Saňa ýyldyzlary sanap bereýin, Senem her birine goýup adymy, Maňa ýyldyzlary sanap bilermiň? Çeşmesi: https://biz.islenen.ru/19852-saa-yyldyzlary-sanap-bereyin.html. 03.12.2022ý. | |
|
| |
| Ähli teswirler: 0 | |