Name: Serpaý
Item: Serpaý
Author: Мango

Baş sahypa » » Serpaý

00:58 Serpaý
SERPAÝ Söýüň meni— ýürek söýgi küýseýär, Şeýle bir küýseýär — ýok çaky-çeni. Ýekeje adama ýeterlik söýgi Bilen bir pursatlyk söýüň siz meni. Maňa kän zat, Uly bir zat gerek däl, Eliňizi ýüregňize goýuň siz: Size söýgi bilen ýüzlenýän günlem Sözlerimi kesä çekmän söýüň siz. Söýüň meni— ähli erki hem durky Bilen size tarap ýollar çekeni. Ýeke özüň söýüp ýörseň elmydam Birazajyk agyr düşjek ekeni. Söýüň meni siziň sadyk guluňyz, Soňra menden size galar şeýle paý, Men size bahasyz serpaý ederin — Şalaryň elinden gelmejek serpaý. © Gurbannazar EZIZOW
1 2 3 4 5 Bölümler: Goşgular \| Görülen: 98 \| Mowzugy paýlaşan: Medicall \| Teg: Gurbannazar EZIZOW \| Рейтинг: 5.0/3

Похожие материалы

Awtoryň başga makalalary

Ähli teswirler: 6
Порядок вывода комментариев: 0 1 Мango • 13:21, 08.04.2023 şahyr sözünde tapyldy: şalaryň elinden gelmejek serpaýy goýup gitdi... 0 2 Gerceknazar • 15:59, 08.04.2023 Serpaý "Men size bahasyz serpaý ederin — Şalaryň elinden gelmejek serpaý." (Gurbannazar Ezizow) Ah Gurbannazarym! Beýik şahyrym! Sen şeýle serpaýy etdiň jedelsiz. Menem şeýle serpaý edesim gelýär. Ylymym az, Söz gorymam ýetersiz. Kalpda kürsäp duran duýgylarymam, Poslan demir deýin galmasyn çüýrap. Gursakda gaýnaýan gaýgylarymam, Dillerden döküler galmasa gurap. Iň esasy näme hakda ýazmaly? Aýt näme ýazmaly? Şony ýazaýyn. Bu ömrüme gör nämeler sygarka? Ýazyp bildigimden göni ýazaýyn. Şeýle uly bagty tapasym gelýär . Jaýdar jümlelerim bolsun jaýba-jaý. Menem şeýle serpaý ýapasym gelýär, Şalaryň elinden gelmejek serpaý Gerçeknazar Amannazarow 0 3 sussupessimist • 09:29, 01.03.2024 Şu güne baýramçylyk alamatyny berýän bir däp edinmeli, diňe özümiziňki bolsun. Mysal üçin, adamlar her 1-nji martda birek-birege kitap serpaý etsin... 0 4 Mekan2 • 10:11, 01.03.2024 gowy pikir, öýi gözleşdireýin, däblýu si'e düşmediklerden galan bar bolsa "leninizm", "markisizm" kitaplardan paýlaşdyraýyn. ýerine çagalaň "mauglisini" alsamam bolýa. 1 5 Seýrаn • 13:59, 01.03.2024 Gerçeknazar, näme ýazjagyňy bilmeýän bolsaň ylmyňy artdyr. Soň özi gelýär. 0 6 Aýgül_Baýadowa • 14:36, 01.03.2024 Ýürek juga uly bolansoň, söýgi ýetmedik bolmaly. Ýogsa, maşgalasy, dost-ýar, dogan-garyndaşlary söýendirem welin.

запомнить
Забыл пароль \| Регистрация

E-mail:
Пароль: