13:00 Diňe seniň... | |
 DIŇE SENIŇ... Müňlerçe gözlerden tapyp gözlerim, Tutup, bu müňlerçe seslerden sesim, Bir seniň döz gelip, meni gözleýip, Diňe SENIŇ gelmegiňi isledim. Hatda meni sorap, daglar gelse-de, Geň däl, Aýdyr-Gündür aglap gelse-de, Sekundsaýyn, janym, sen bir bilsediň, Diňe SENIŇ gelmegiňi isledim. Ýagyş saçym ýuwýar ýüz bersem sähel, Gaýmak bilen ýüzüm ýuwýar ak säher, Men bolsam olardan ýüz öwrüp, päheý, Diňe SENIŇ gelmegiňi isledim. Ünsüm çekip bilmän düýrükdi düýnüm, Garşylanman, müýnürgedi gündizim, Tagatlarma ertiriň däl, men – hüýli, Diňe SENIŇ gelmegiňi isledim. Ýyldyzlar her gije ukudan galyp, Ýalňyz meni üwrediler, öwdüler, Men bolsa diňlemän, hüwdüden galyp, Diňe SENIŇ gelmegiňi isledim. Men diýip, bulutlar, garlar geldiler, Men diýip, durnalar-gazlar geldiler, Men diýip geldiler, men bolsa, diňe... Diňe SENIŇ gelmegiňi isledim. © Laçyn PÜRJÄÝEWA 05.03.2006 ý. | |
|
| |
| Ähli teswirler: 9 | |
|
| |
