Halk döredijiliginiň - läleleriň motiwindäki, inçe duýguly goşgy bolupdyr. Öň okamandym. Belki öň neşir edilen däldir

Laçynyň "sargydy" başga bir gözel gyzyň "arzuwyny" ýada saldy.
buýem bir gyzykly erteki.
bir daýhanyň gyzy barmyş, ekinleri käşirmiş.
ekmeli, suwarmaly, otamaly, ýygmaly, ýuwmaly.... sowuk diýmän, yssy diýmän, daň diýmän, gije diýmän... garaz ol gyzjagaz halys ýadapdyr.
bir gezegem içinden hiç kime eştdirmänjik arzuw edipdir:
"Allajan! maňa duşjak oglan akja bolsun, gözleri gökje bolsun, özem ekin ekmeýän bolsun..." 
Perişdeler ämin diýipdir, dogasam kabul bolupdyr.
oňa ekin görmedik akja bir oglan aşyk bolupdyr.
gyz käşir ekmekden halas bolupdyr.
bagtly ýaşaýamyşlar, ýöne kä wagt orak, pil bilen işlemeli bolanda oglanyň eline gelişmän duransoň, oragy, pili özi eline almaly bolýamyş.
şonda gelneje:"men öteräk doga etdim öýdýän" diýýämiş.
ýöne, ahmyr edenokmyş.

Durmuşdan “käşirli” zarisowkajyk:
 
Noýabr.
Özem tüýs: “noý-ý-ýa-wyr-r-rda” diýlip, hyňranybrak diýilýän hilisi. 
Sowuk manysynda.
Kärendesine alnan mellekde aga-ini käşir ýygyp ýörler.
Mellek täze berlendigi sebäpli, daş-töwerekde jaý, haýat ýok. Kolhozyň
öňki oba etek ekin meýdany. Alaň-açyklyk. Gapdalyndanam garaýol geçýär.
Birdenkä bir “üçünji
wüpüsge” diýilýän, saryreňk “žiguli” deňelerinde togtaýar. Içinden “akja ýüzli, gökje gözli, “gäroşök” diýilýän, agymtyl köýnekli, äýnekli,
tyrrykbalak” biri çykýar.
-Yzzärow, pasaňlar!-diýýär.
Bularam kalhozçy bolsalaram, ula salam bermek öwredilen, edepli çagalar:
"Zarow-da, zarow" boluşýarlar.
Onsoň, şol, ýaşy otuzdan agyberenräk “külturnyý”
pyýada oglanjyklardan soraýar:
-Kelem näden, byratiýişgeler?!
-Kelem däl, käşir bi, agam!-diýip oglanjyklaryň ulusy, edepsizligem
bolsa, özünden ula düzediş berýär.
-A menem şony
diýýän-dä. “Kelemiň bahasy isgolko?” diýip soraýan-a, byraşişga! Ýa sapsym niwazmožny zat diýýäňmi şumat?!
Oglanjyk sesini çykaranok. Belki, näme diýjegini bilýän däldir. 
Ol adam bolsa, belki, garaýoldan palçygrak ýere
düşüp, köwşüni hapalasy gelýän däldir, ulagyndan kän daşlaşman durşuna,
oglanjygyň bolşuna az-owlak gaharlanjak bolýar:
-Aýt-da, byraşižga! Paçemu tarmazit edýäň? Kelem näçeden?
Oglanjyk ýarylýar:
-Kelem dä-how, agam! Käşir-ä bi, käşir! Ine seret!-diýýär-de, ol jigisi
bilen ýygyp desseleýän käşirlerinden bir gysymyny alýar-da, olaryň gulpagyny
silkeläp görkezýär.
Ýolda duranyň “külturnyý” keşbine kül urlana dönýär. Ol ýüzüni boz-ýaz
edip, başyny ýaýkaýar-da, hüňürdeýär:
-Wäpçe nikakoý waspitanny ýog-aý, şü kalhozçylaň çagasynda-da! Näme
diýseň tersiňden hwatat edip ýatyrlar-ow, yswolyçlar!
Şeý diýýär-de, ol tasanjyrap ulagyna münýär-de, ýer peşedip, ötägidýär.
Oň yzyndan agzyny öweldip duran kiçi oglanjyk bolsa:
-Sammyg-ow, bi şähernoýlar! Kelem bilen käşiriň tapawudynam
bilenoklor-o-ow!-diýip, ýykyr-ýykyr gülmäge başlaýar.

çeňňek ýeňňe - leňňeç ýeňňe. 
gaty gowy.

Bilýänsiňiz çen gelenin,
Tutaýmaňdyr çem gelenin,

kapiýa gursun, ýogsam "bilýänsiňiz çen bolanyn" bolmaly-la welin.
"tutaýmaňdyr çem gelenin"
hmmmm. belki "tutaýmaň siz çem gelenin" ýa-da "tutaýmaňlar çem gelenin" -dir? ýa-da dir däldir. özi gowy biler.

---
Doňup galsam Sokrat deý,
Dyrnaklarym ekran deý,
Görkezsin, Kürs-Arşlary!

doňup galaňsoň ekran-dyrnak ne işe ýarar?

goşgyň soňy Laçyny ýadadypdyr.

--

Maňa saýlan ýigdiňiziň —
Gara bolsun gaşlary!

bir zat diýseň, bu gahrymanyň gepi diýen bolýalar.
ýöne, soňunda "Laçyn aýdar" diýen ýerinden çen tutsaň bu sargytly sözler gönüden göni Laçyna degişli
Gara gaşly, görgür gözli, gür kirpiki, buýra çaçly, ötgür sözli kandidat tapsak, näçe eçilerkä?
Eçiljek summasyny ýazmandyr-da (gysganç, bir hitirlig-ä etjek bolýa öýdýän). :-)