gowy goşgy.
äriniň ýa-da aýalynyň adyny tutman "kakasy", "keýwany", "öýdäki"... ýaly diýýänleri belli welin, goşgudaky eje nämeüçindir oglunyň adyny tutanok eken...
"balam", "guzym"... diýýändir welin adynam tutaýjak ýaly. ýa-da goşguda tutmaýan ýaly görünýär.
ýyzzyl!

Atsyzatly gardaş,

I siziň nigiňiz şulaň haýsysy?

1. a:tsyz a:tly
2. atsyz atly
3. atzyz a:tly
4. a:tsyz atly

II möhüm zadam däl welin, şujagaz ýerde harp ýalňyşy gowja büdüredýä.

"Sen açsyň, guzum - guzym".

III (aslynda muny başda aýtmalydym welin, neýse) goşgyny haladym.

IV men bolsam şujagaz ýerini şeýderdim:

Diýerdi "sag git-de,
sag-amanja gel!"

Diýerdi "sag git-de,
aman gel, ogul!"

beýtse-de, sussupesiň diýşi ýaly, men bolardym-da :-)

V bäş ýyldyza basandyryn.

Harp ýalňyşy düzetdim. Nikiňem dogrysy ikinji weriýant bolmaly, Myhman aga.

Maýn Rigiň başsyz atlysyny ýatlatdy.

atyň bolmasa problema dälläý. bizä kiçikäk çybyk eýerläýýädik, bar mesele çözülýädi. osoň, ýetdä ýetibilseň yzymyzdan.

Bu teswir goşgy barada däl, ýöne "dile geldi, bile geldisi".

Ene urşa barýan 17 ýaşly ogluny öýerip bilmedigine arman çekýär.

Milli däp-dessurlarymyz mukaddesdir, emma hiç kimem olaryň hemmesini häzirki döwürde ulanmagy oňlamasa gerek. Meselem, lewiraty (ýeňňä dakmagy). Elbetde, bu däbiň esasly sebäpleri bar. Emma köpler halanok.

Lewirat gowy ýa erbet bolanda-da, onuň göze görnüp duran zyýany bolmandy. Emma bir däbimiz bardy - ine, onuň zyýany gaty çökder we pajygaly boldy.

Ol - urşa gidýänleri hökman öýermek däbi. Türkmenler uruş boljagyny eşitseler hökman ogullaryny öýerýärdiler.

Türkmenlerde iň esasy wezipe - nesliň dowam etmesidi. Munuň ýeke ýoly bolsa howply ýere gidýänleri ur-tut öýermekdi (häzirki wagtda bu hökman däl: urşa gidýän ýaşlar spermasyny goýup gidýärler: ol ölse, hossarlary onuň neslini dowam etdirmek isleseler meýletin bir gyzyň üsti bilen muny gurap bilýärler. Çaga ulalanda hakykaty aýdýarlar. Bir zenanyň hem ömri köýmeýär).

"Uruş duýdansyz başlandy" diýilýäni edil başlanan döwürleri barada dogrudyr. Aslynda bolsa bu urşa 1933-nji ýylda gitlerçileriň häkimeýeti alan döwründen bäri garaşýardylar. Soňra ýaraşyk baglaşyldy, emma urşuň boljakdygyny hemmeler aňýardylar.

Türkmenistan ýaly ülkelerden diňe 17, soň ondan uly ýaşlaryň alnandygyny ýatlanyň. Uruş başlanmadyk bolsa olaryň entek-entek öýlenmejekleri kändi. Emma urşy duýan türkmenler öz ýaş ogullaryny şeýle bir howul-hara öýerip başladylar welin, "türkmeni göçürjek bolsaň, gapdalyndan göç geçir" diýleni boldy.

Netijesi özüňize mälim: gidenleriň yzynda galanlaryň birki çagasy galdy ýa-da galmady (total öýerişler uruşdan birki ýyl öň başlanyp, on gün galýança dowam etdi.Şonuň üçinem adamsy bilen 10 gün ýaşaşan, göwresinde hem çaga galmadyk, ýeke öten zenanlary tanaýaryn).

Birki çagaly ýa-da ýalňyz dul galan ummasyz kän gelinler şu däbiň pidasydy.

Ol wagt ikinji äre barmak seýrekdi. Gidýärler köplenç öýlenip gidensoňlar indiki ýaş ýigitler üçin çykmadyk gyzlar defisit boldy. Ýaňky maýyp bolup gelen oglanyň hem gyz tapmak problemasy bolandyr: gelmedik deň-duşlarynyň ýaşajyk dul gelinleri leýs bolup ýatyr, orslaryň edişi ýaly alaýmak bolmaýar (olar ojak saklajaklar), onsoň ýagty adam aňsat maşgalaly bolmagyň deregine oňa-da boý gyz tapyp bermeli.

Türkmenistandaky şu agyr disbalans (bir tarapdan ýaş dul gelinleriň, beýleki tarapdan köpçülikleýin öýleniş döwründen soň gyz gytçylygynda gezip ýören ýigitleriň köp bolmagy) sebäpli, kompartiýa Aman Kekilowyň öňünde partiýa wezipesini goýup, şu iki topary jübütleşmäge höweslendirjek eser ýazmagy tabşyrýar.

Netijede, şygyr bilen ýazylan "Söýgi" romany döreýär.

Megerem, ol eser demografik problemany çözen däl bolsa gerek.

Aslynda edebiýatyň edebi wezipelerden başga çözüp biljek zady barmyka?