Name: "Eý, Ezizim.."
Item: "Eý, Ezizim.."
Author: Pero

Baş sahypa » » "Eý, Ezizim.."

12:01 "Eý, Ezizim.."
"EÝ, EZIZIM.." Eý, ezizim, Ene ýurdum, Guşlar gaýsyn asmanyňda. Aňrysynda Sen ýatansyň Guwanjymyň, gussamyň-da. Günler gelsin, günler geçsin, Ak bulutlar gonsun, göçsün. Miweleriň bulduraşsyn Göz güjeňläp bossanyňda. Daýhanlaryň çeksin azap, Gaýdyp gelsin gadym ynsap. Meýdanlarda joýa ýasap Ýagmyr ýagsyn isläniňde. Ak alaňlar, gök derekler Gözden gitmez eger-eger. Bolsun edip ak pata ber Göwne hyýal beslänimde. Gün depäňden eglip dursun, Nur-bereket guýlup dursun. Ene mähriň duýlup dursyn Ýazan, ýazjak dessanymda. Barlygyňda belent sussum, Waspyň edýän bassys-bassyr. Saňa söýgüm mukaddesdir Arzuwymda, yhlasymda. Ak çagbalar ýüzüň ýuwar, Daglar gökden ak süýt emer. Ruhy golda, güýç-kuwwat ber, Takdyr bizi gyssanynda. Berdinazar HUDAÝNAZAROW.
1 2 3 4 5 Bölümler: Goşgular \| Görülen: 55 \| Mowzugy paýlaşan: Medicall \| Teg: Berdinazar Hudaýnazarow \| Рейтинг: 4.0/1

Похожие материалы

Awtoryň başga makalalary

Ähli teswirler: 2
Порядок вывода комментариев: 1 1 Pero • 16:24, 27.12.2022 Amin! Şeýle bolsun ylaýym! "Gaýdyp gelsin gadym ynsap" diýýär weli,haýsy döwriñ ynsabyka?! Haýsy döwriñ haýsy ynsanyny alsañam döwürdeşleriniñ ynsapsyzlygyndan zeýrenýärler 0 2 Medicall • 01:46, 28.12.2022 Berdinazar Hudaýnazarow köp goşgusynda ynsaba ýüzlenýär, ata-babalaryñ ähdine, antyna ygraryna, halallygyna sarpasy has çuñ duýulýar: Duşman äkiden-de doganyn güýlüp, Ýaraly arslan dek düýrügip, düýrip, Mele desterhany mañlaýa sylyp Atalarmyz anty döredipdirler" (şeýleräk ýalydy bir bendi). Diýmek bu goşgudaky YNSAP hem has irki pederlere degişli ynsap bolmaly aýaldogan, ynsapsyzlygyñ nãmedigini soñ öwrenendir biziñ has gadymy sähraýy Pederlermiz ))

запомнить
Забыл пароль \| Регистрация

E-mail:
Пароль: