Name: Gol çekdim
Item: Gol çekdim
Author: Medicall

Baş sahypa » » Gol çekdim

15:22 Gol çekdim
GOL ÇEKDIM Tapmankam ýitirdim kelebiň ujun, Uklaman düýş gördüm yşkyň tününde. Sähra ýazlamaga gitdi hyrujym, Düýne seni berip, galdym şu günde. Wadama mukym men, Saňa mutyg men. Binesip men mürçe-myýan kamatdan. Galdym ganat kakyp bulutlara çen, Ondan aňryk bolsa beren ganatlaň takatym deý gowşady tap getirmän, Arzuwymdan gymmat eken wysaly. Dolanmaly boldum arzy:m ýitirmän, Sana alynmadyk dileg mysaly. Ýagşy niýet bilen ýolukdym bela, Nep tapmadym mährim aşa bermekden. Sersepil men, yşkym bilen mübtela, Derdim dolup, daşyp gitdi erňekden. Ölmänkäm direlden gözleň ýat ede, Müň daşa urlanym hebes janyma. Gel, girdapda galan göwnüm şat ede, Ýüzüm ýok barmaga özüm ýanyňa. Çyn yhlasym — yşka tölenen pajym. Söýgä bergim artyk eken üzerden. Bile geldik, ýeke gaýtdym, alajym ga:lmady. Terk edip, gitdiň güzerden. Düşünmedim, ýeke görüm gazlypmy?!. (Hemaýyn gürrüňe berildim aşa). Ýazgyt – şumy? Şu – ýazgytmy? Ýazlypmy gara bagtym gara reňk bilen daşa? Haraý gözläp ýarym garyş galamdan, Derdime gol çekdim gijäň tümünde: «Tapmankam ýitirdim kelebiň ujun, Uklaman düýş gördüm yşkyň tününde!..». © Mukam MUHAMOW
1 2 3 4 5 Bölümler: Goşgular \| Görülen: 202 \| Mowzugy paýlaşan: Awtor \| Teg: Mukam Muhamow \| Рейтинг: 4.5/11

Похожие материалы

Awtoryň başga makalalary

Ähli teswirler: 10
Порядок вывода комментариев: 2 1 Medicall • 15:51, 12.12.2023 Şu gün ir turup aglajakdymda bahana tapsam, ana ahyr bu goşgy aglatdy... 2 2 Medicall • 15:54, 12.12.2023 "Haraý gözläp ýarym garyş galamdan, Derdime gol çekdim gijäň tümünde: «Tapmankam ýitirdim kelebiň ujun, Uklaman düýş gördüm yşkyň tününde!..». 2 3 Seýrаn • 09:04, 13.12.2023 Gowy goşgy ekenaý. Mukam Muhamowyň ýazyşy göwnejaý kimin. Emma... diýseň nähilikä? Durnukly soz düzümleriniň çepbe-çöwresini ulanyp, göwnüme bolmasa ýasaýan ýaly. 1 4 Мango • 17:38, 13.12.2023 Düýne seni berip, galdym şu günde. osoň düýne iberilenem diýäýjek ýaly: Seni ertä iberip, özüm galdym şu günde. goşguda owadan sözlemler ýaman kän, hemem çöwrülen sözlemleriň çöwrülişini haladym. ýazmaka ýazylan goşgy. 5 ýyzzyl. 0 5 Kyyas • 00:17, 14.12.2023 Düşünmedim, ýeke görüm gazlypmy?!. Sorag ýeke görüm gazylypmy? Kimdir biri ýeke gör gazdymy? Ýa-da bile jaýlanmalymyka?( Adam jaýlananda ýeke jaýlanýar welin...) Şu setir aýrylyp başga hili bolup eşdilýär. Ýagny bile jaýlanjakdym ýeke görüm gazylypdyr... 0 6 Mekan • 06:37, 14.12.2023 Şoññalak frazeologizm bar-da. 0 7 Kyyas • 08:41, 14.12.2023 Çopan dilinde düşündiriñ? Men türkmençe doly bilemok. Eger halk içinde aýdylýar diýseñiz. Görüñ bamy?, Görün gazyldymy, gazylypmy? Ýaly sözler bar. Emma ýeke sözi başga tarapa çekip dur. (Men bir pikirimi aýtdym, ýokuş görmäñ. Şeýle alanyñda men basyp giden yzyñyzça ýok) 1 8 Анонимно • 09:06, 14.12.2023 «Näme üçin ýeke gezip ýörün?», «Ýeke näme işim bar?», «Ýeke nä körüm bar?» ýa-da «Ýeke görüm gazlypmy?». 0 9 Kyyas • 09:35, 14.12.2023 Bilip goýsam ýagşy. Minnetdar! 2 10 Mekan2 • 09:54, 14.12.2023 Kyýas han gardaşym, gaharyma: "meň bar ýerimde görnäýme" diýip, golaýyma getiremok welin sen "men basyp giden yzyñyzça ýok" diýýäň welin, göni, gapyny kakman girýä-dä ýanyma. bizde bar-a, ol-a ýazýançy eken, okaýançylaram şeýle az, gyzyl kitaba altyn harplar bilen ýazybermeli. onsoň sen pikir et, nähili elýetmezdigiňi. ýazmaklygam - bir batyrlyk. ony ile hödürlemek dagy, baý-bow. nähilek mertdigiňi şundanam biläýmeli dämi?! şoňçüýn "men onnalak, men munnalak, eserlerimi pozuň, awtorlukdan aýryň... ýene gör, ýene gör" diýmänjik basiwer. aşagyna tewsir ýazylmasa-da, okalýa. ýetik dämi... bolmasa, teswirem ýazaýarys-aý. diýişdiren bolup käýýeýä diýýäňmi.

запомнить
Забыл пароль \| Регистрация

E-mail:
Пароль: