07:07 Goşgy | |
 GOŞGY Şygra näme diýseň diýibermeli, Anyk kesgitlemä sygmaýar goşgy. Ýazmasaň ylhamyň joşan mahaly, Dolanyp yzyna gelmeýär goşgy. Söýgi päk bolýandyr birligi bilen, Başga duýgulary bilmeýär goşgy. Ýalanyň yzyndan ýetilýär basym, Duýgusy çyn bolsa, ölmeýär goşgy. Petinde galsa-da kagyz-galamyň, Gyýmasa gursagy dogmaýar goşgy. Dady başga otsuz otda ýananyň, Söýülmedik gözden çogmaýar goşgy. Ötýär saňa özgeleriň garaýşy, Könelen ýaraňy dyrnaýar goşgy. Bile biten ýaly ene garnynda, Kem-kem ykbalyňa ornaýar goşgy. © Ogulnur ATAÝEWA | |
|
| |
| Ähli teswirler: 4 | |
|
| |
