23:27 Bilbilim. | |
| Gaýgy-gama ýugrup şirin owazyñ, Saýraýarsyñ düşüp, küle bilbilim! Gül yşgynda saýrap baglary bezän, Nädip düşdiñ ymgyr çöle bilbilim!? Ýa baglarda, güle hazan urdumy? Guran höwürtgäñe ýylan girdimi? Unudupsyñ şadyýanlyk derdiñi, Ýa-da sen düşdüñmi dile bilbilim? Çekýän hasratyñaq jeren, saýgaklar, Bökjeklemän gözýaş döküp paýtyklar. Elbetde paýlaşmagam artyk däl, Men çekişjek gaýgyñ bile bilbilim. Gel saýrasañ, aram tapsyn señ janyñ, Ýüregiñi dökseñ belki, ynjalyp... Eline düşmedik bolsa ajalyñ, Dön yzyña çäre bolar bilbilim. Şelpelerin şyññyrdatýar sözenem, (Telbelikden nep tapmadyk gezegen) Ýalbar, ýakar, dyzyña çök, özelen, Sensiz saralandyr gülem, bilbilim. Razy bolup bu kysmatyñ şertine, Unut gitsin, ýar bolmasyn her kime, Ýylgyryp bak nur çaýylsyn görküne, Şatlygyñy getir çöle bilbilim... © Remezan Mämetgurbanow | |
|
| |
| Ähli teswirler: 1 | |
|
| |
