22:33 Gülki. Dokuzynjy onluk | |
GÜLKI. DOKUZYNJY ONLUK  100 $ berseň maşynyňy batgadan çekip çykarýas. *** Bir çopan Aşgabada gitmek üçin samolýota münjek bolýamyş. Elinde-de bir semiz goýun diýýä. Aeroportda: -Ýaşuly, bu goýny nirä alyp barýaň? Samolýota goýun salmak bolanok. -Aý, inim! Bu goýun däl, bu para-peşgeş. „Goýun“ bolsa Aşgabatda institutda okaýar. *** Özüne göwni ýetýän bir çopan, beýik daga çykýamyş. Görse, ol ýerde-de özüne göwni ýetýän bürgüt otyrmyş. Çopan bürgütden soraýar: -Eý, bürgüt! Hany, maňa aýt. Sen nädip uçup bilýäň? Bürgüt asmanda uçmagyň kyn iş däldigini düşündirýär: -Ine, şeýle. Özüňi bu gaýadan aşak göýberýäň we uçmaga başlaýaň. Men şeýdip uçýan. Meniň kakamam, kakamyň kakasam, kakamyň kakasynyň kakasam şeýdip uçýadylar – diýip, özüni gaýadan göýberýär we bir salymda howada gözden ýitip gidýär. Çopanyň hem bürgüt ýaly uçasy gelýär we gaýadan özüni göýberýär. Bir salymdan soň howada aşakdaky sesler ýaňlanmaga başlaýar: -Wa-a-a-a-ah, seniň özüňem, kakaňam, kakaň kakasynam, kakaň kakasynyň kakasynam……. *** 2 köpeltmek 2 – näçe bolar.? Nagt bolsa – 4 bolar, bir ýerden alsalar – 3-den bolar, bank üsti bilen hasaplaşsalar 5-den bolar. *** Ýokary okuw jaýyna girmek üçin ekzamende sorag soraýarlar: -Siz Puşkini tanaýaňyzmy? -Ýok. -Magtymguly, Zelili, Kemine bilen tanyşlygyňyz nähili? -Bularam tanamok. -Berdi Kerbabaýew, Kerim Gurbannepesow dagylary bir tanaýaňyzmy? -Bular bilenem tanyş däl. -Gidip bilersiňiz. Indiki ýyl geliň. Ekzamen tabşyryp bilmedik dostumyz keýpiz gapydan çykýar. Daşardakylar ondan soraýar: -Nätdiň? Geçdiňmi? -Ýok-laý, tanyşyň bolmasa geçirenoklar-laý. Meniň bolsa tanaýanym ýok… *** Mugallym okuwçylara diýýar: -Kim özüni samsyk hasaplaýan bolsa ýerinden tursun. Hiç kim ýerinden gozgananok. Bir salymdan soň Ependiň ogly ýerinden turýar. Mugallym: -Näme Ependiýew, sen özüňi dogrudanam samsyk hasaplaýaňmy? -Ýok. -Onda name ýeriňden turduň? -Ýeke özüňiz dik duraňyzsoň, size ýoldaş bolaýyn diýdim-laý… *** Iki serhoş duşuşýalar we irden giç agşama çenli “bellemäge başlaýalar”. Biri beýlekisine diýýär: -Dos-s-s! Ýene-de az-za-jyk içelimi? -Häzir, men barlap göreýin. Eger men ýerimden turup iki ädim adip bilsem, onda hokman iç-çeris. Eger ýykylaýsam……, onda men öýe gaýtjak. *** Ýigit bilen gyz kinoteatrda hindi kinosyny görüp oturlar. Gyz oglandan soraýar: -Nähili pikir edýäň, iň soňunda olar öýlenerlermik-ä? -Dagy näme! Şular ýaly kinolaň soňy gynançly gutarýar ahyryn. *** Bir amerikan bir orsdan soraýar: -Bagyşlaň, orslar köp arak içýä diýýäler, şol dogrumy? Siz bir stakan arak içermisiňiz? -Elbetde! Duza basylan hyýarjagaz bilen içsem hemmesi gül ýaly bolar. -A üç stakan içermisiňiz? -Elbetde! Üç stakany uç sany hyýar bilen içerin, gürrüňi bolmaz. -A ýüz stakan içermiň? -Gulagyň galýamy? Onça hyýary men nadip iýeýin!? *** Iki dostyň gürrüňi: -Bilýäňmi, düýn agşam şeýle bir zat boldy! Gidip barýadym welin, bir oglany üç bolup urup duran ekenler. Aý, menem onsaň, kömek edeýin diýdim. -Berekella! Gör sen nähili batyr! Ýeri onsaň kömek etdiňmi? -Elbetde. Sen bir görsediň biziň dört bolup ony ýenjişimizi…. *** -Seniň eliň meniň jübimde name işleýär? -Otlyçöp gözleýän, agam. -Adam ýaly sorasaň bolmaýamy? -Soramaga utandym-da... Çeşme: http://eyho.8m.net/b-gul9.htm | |
|
| |
| Ähli teswirler: 2 | |
|
| |
