Halyň soran çümmükçe sözem,
melhem bolýar,
bu bikarar janyňa.
Çünki ýalňyzlykdan püre-pür,
bu adamdan dykyn jahanda,
diňe çyn dost düşüner halyňa.
Dertlikäň dermanyňa,
gertlikäň armanyňa,
garaşaňda gelmänine,
urany urmanyňa,
“il bolýa” diýip,
senem bolmanyňa,
“dişim ötýä” diýip,
asgyny ýarmanyňa,
tozanyňa garmanyňa...
düşünmäge ynsan gerek,
duýmaga-da bir mähriban ýürek.
Çünki ýalňyzlykdan püre-pür,
bu adamdan dykyn jahanda,
diňe çyn dost düşüner halyňa.
Halyň soran çümmüjek sözem
melhem bolar,
bu bikarar janyňa...

Bu adamdan hyryn-dykyn jahanda üç sanyjak kişi - ol, men, sen.

Ol-a derdini tüsse bilen basýa, Men yanybam bilenok, tüsseläbem, Sen ne haldaka, ýa haldamyka.

Meniñ ýagdaýam düşnüksiz. Dünýäni suw alsa, dabany öllenmeýänlerdenem bolup biler. Derdine ne tüsse bilen basyp bilýän ne-de derdine ýanyp bilýän birem bolup biler.