Name: Hadysa
Item: Hadysa
Author: Pero

Baş sahypa » » Hadysa

02:49 Hadysa
HADYSA Onlarça gün hiç kim bilen gürleşmedi. Gürleşesi gelmeýäni üçin däl-de, özüne düşünmeýäni sebäpli öz-özi bilen ýekeçäk galanyny kem görmedi. Özüne nämeler bolup geçenine düşünenokdy, şu wagt oña başgalara düşünerinden özüne düşünmegi möhümdi. Emma näçe düşünjek bolsa-da başarmady. Göýä diýersiñ ruhuny nämedir bir zat çarpan ýaly, ýa-da uçup gelşine garaşylmadyk ýagdaýda ýolundan çykan aýna diwara urduryp bady gaýdan ýaly geñ halda, ruhy kürtdürip durana çalymdaş ahwaldady. Ondan öñki wakalary ýatlamaga synanyşdy. Ýene-de ruhyny sarsdyrýan ýürekgyýyjy owaz ýañlandy: "bu men, ýöne men men däl ahyryn, hany men?". Hykga damagy doldy, otagda özünden başga adam ýokdugyna garamazdan garamyk gözlerinden syrygýan ýaşlaryny hiç kime görkezmek islemeýän ýaly çaltlyk bilen syldy. Penjireden daşary seredip oturşyna öñünde demlengi kofesini owurtlansoñ, ulydan dem alanam bolsa, näçe gündir içini hümledip, jogap tapman gaýtalaýan "beehh"-inden başga zat diline-de, pikirine-de gelmedi... Bir zatlar ýazmaga synanyşdy. Başarmady. Ýene-de şol owaz gaýtalandy: "bu men, ýöne men men däl ahyryn, hany men?" Bu sapar ol owazy ýañlanandan "behh" - ini gaýtalamady, dogumlandy, özüni dürsemäge, ruhyna gol uzatmaga, halas etmäge çalyşdy. Dadyna niredendir bir ýerden, nämedir bir zat ýetişdi-de pyşyrdady: " " ýok, "men" bar, özem ýöne bir baram däl-de mert hem üýtgewsiz "men" bar"! Ýylgyrdy. Älem ýagtyldy. Ine-de nähilidir bir güýç ony ýene özüne gaýtaryp getirdi... 18.07.2023 © Kalba NUR
1 2 3 4 5 Bölümler: Oýlanmalar \| Görülen: 128 \| Mowzugy paýlaşan: Medicall \| Teg: Nurdan \| Рейтинг: 5.0/6

Похожие материалы

Awtoryň başga makalalary

Ähli teswirler: 11
Порядок вывода комментариев: 2 1 Pero • 09:18, 18.07.2023 Aýaldogan,men bu gahrymana ṣeýle bir düṣünýän. Indi bir karara geldim: aram-aram hemmeler bir-birekden dynç almaly 2 2 Seýran • 09:39, 18.07.2023 'Ol YNAMDY' diýen söz tutuş wakany çäklendirip goýupdyr. Şol halasgäriň nämedigini bilmegi bize goýmaly ekeniň. Ýa halys ynamdygyny aýdasyň gelen bolsa, ýene iki sözlem bilen aňşyrar ýaly wtmeli ekeniň. Ýazyp dur, ýa-da terjime edip! 1 3 Kyyas • 10:01, 18.07.2023 hamana özüm şu ýagdaýy öz başymdan geçip duran ýaly bolup dur... Emma şol YNAM welin mende ýok öýdýän, ýöne şuny okap azajygam bolsa şol menligime getirdi... 2 4 Мango • 10:17, 18.07.2023 ýamanam bir kyn soraga jowap gözläpdir gahryman: "bu men, ýöne men men däl ahyryn, hany men?" jogap kyn. ýöne, depressiýa girjek-girjek bolan gahrymana magtymgulydan bir resept: Magtymguly, köňle gaýgy getirme, Bu bir iş wagtydyr, özüň ýitirme... 1) gaýgy etme, gaýga batma, gaýgy bilen çökme, gaýgy bilen hereketsiz oturma, passiw bolma... KÖŇLE GAÝGY GETIRME! onda näme edeýin diýýäňmi? 2) iş. iş bolsa - hereketdir. "özüň ýitirme" - panika düşmede iş et, hereket et, çykalga tap.... garaz ÖZÜŇ ÝITIRME, aktiw bol, iş et... akyl bermek aňsatla welin, özümize zordan eýgerýäs bu akyla.... onda-da "köňle gaýgy getirme, Bu bir iş wagtydyr, özüň ýitirme..." 2 5 Мango • 10:20, 18.07.2023 her döwür we her kim üçin maslahat: Magtymguly, köňle gaýgy getirme, (PASSIW bolma) Bu bir iş wagtydyr, özüň ýitirme... (AKTIW bol) gaýrat edeliň, hanlar we hanymlar... 1 6 Medicall • 12:00, 18.07.2023 Menem saña düşünýan, aýaldogan, (ýöne bu oýlanma düýbünden başga hadysady...Bu ýazjaklam oýlanma düşündiriş däl-de kararyñ bilen bagly aýaldogan:( emma kararyñ bilen ylalaşyp bilemok, bir söz bardy: "agzybirlik ähli zatdan güýçlidir". Dynç almaly, armaly däl, bu dogry, emma adamlardan üzñeligem beýle bir gowy zat dãl. Hiç kimem hiç kimiñ alnyny alyp durmaýar, her zadyñ öz wagty bar. "Bu gün göreniñ etrir ýok" diyilýär-a. Meselem: birek-birekden dynç aljak diýip bir hepde ýok bolduñ diyeli. Gelenimizde göresimiz gelip gelen adamymyz bar boljakmy ýokmy ony biz bilip bilmeýäris-a. "şu gün aýdyñ belki ertir giç bolar" diyyär ussat. 1 7 Medicall • 12:09, 18.07.2023 Şonuñ üçinem ýadadyñmy: bir salym tebigata çyk, gowy görýan ýeriñe barda buzgaymak iý:), öýe gelde çagalar bilen oýna, gowy aýdym diñle, ýatda dynjyñy al, ýene adamlaryñ arasyna dolan:) Sebäbi adamyñ adamdan gaçyp gutuljak ýeri diñeje bir ýer) ondan öñürti adamlardan näçe gaçsagam ýene adam çykar öñüñden)) 1 8 Medicall • 12:21, 18.07.2023 @ Seýran, belligiñiz bilen ylalaşýan, üýtgetdim, maslahatyñyza sagboluñ! 1 9 Medicall • 12:26, 18.07.2023 @Kyýas, siziñ ýagdaýyñyzda hökman özüñe ynam gerek... 1 10 Medicall • 12:27, 18.07.2023 Magtymguly Hezretleri aýdyp giden bolsa hökman eýermeli bolar, minnetdar, sagboluñ) 0 11 Tuman8225 • 20:38, 19.07.2023 Hawa alnyňy alyp durjak ýok

запомнить
Забыл пароль \| Регистрация

E-mail:
Пароль: