Name: Hekaýam
Item: Hekaýam
Author: Hyýalbent

Baş sahypa » » Hekaýam

11:36 Hekaýam
Ejizje bedenim, Ejirden doly. Ýama-ýama ýaralarmyñ sargysy, Ýazgydymyñ köýen ýaly algysy, Bolýan ýerim, Dertlileriñ salgysy. Belki göwnüme... Halym gören şükür eder gününe, Allany ýatlap. Galñan gussalarym, Gaýýan bentlerim, Hasabyn ýitirdi hasap depderim. Gözümden umydyñ jadysy gaçdy, Edýän arzywlarym adatylaşdy. Ömrüm çolaşdy. Sabrymyñ suwuny sykyp içdiler, Kiçijik dünýämi ýykyp geçdiler. Kaýyllyk baryndan geldimi rüstem, Deñ boldy zeminiñ aşagam, üstem, Dürtsem, Duýmaýar, janly jesedim, Görnüp duran zady ýazmak aýyp däl, Wah, nädeýin, Men Hezreti Eýýup däl. Ybraýymam däl men, ody gülleden, Synalarym doldy gurşun gülleden. Gülmeden kesilen kemis ýüregim, Hajymelik, Hassalyk, Sordy ýiligim. Eldäki ýaragym kagyzdyr galam, Bir gün bolar tamam, ...Hekaýam. Galaýsam aman! © Süleýman Teķäýew Прикрепления: Картинка 1
1 2 3 4 5 Bölümler: Goşgular \| Görülen: 113 \| Mowzugy paýlaşan: Hyýalbent \| Teg: Süleýman Tekäýew \| Рейтинг: 5.0/1

Похожие материалы

Awtoryň başga makalalary

Ähli teswirler: 5
Порядок вывода комментариев: 0 1 Hyýalbent • 11:42, 31.07.2024 Ekslucive 1 2 Мango • 12:21, 31.07.2024 Ýama-ýama ýaralarmyñ* sargysy... ("ýarlarymyň" diýip harp ýaňlyşam giden ýaly) entek biz bagtyýarlykda ýaşamaýakak geýim, balak, jorap... ýamalýardy. indi olam ýat boldy. şu ýamalan sargy (bint) kän ynandyryjy däl. ýaraňy sarajak mataňam bir ýamalarmy? "hekaýaň" ýaman dertli hekaýa eken, Süleýman beý... 0 3 Hyýalbent • 12:28, 31.07.2024 Mango daýy belliklerñize minnetdar, harp ýalñyşynam düzetdim. Ýenede teswirlerñize garaşýan! 1 4 sussupessimist • 11:06, 02.08.2024 Derdiň ýamman ýaman eken, hatda sargylaryňam ýaman bolsaň... Goşgulary barha güýçlenýä Süleýmän ekäň. Esasy zat - öz-özüňi gaýtalamazlyk. Hemem nalyşdan (ýa Nejep aýtmyşlaý - pahyrsyramakdan) gaçyp, ekezlenmek gerek. Derdiň hakda aýtmak - nalamak däl, ýöne nädip aýdýanyňa kän zat bagly - göz-görtele mysal - Magtymgulyň "Bu derdi" ýa "Buluda gardy meni" goşgulary. Soňkyň tekstindäki tragiki äheňi duýman (ýa düşünmän), Akyş Sapar ony hatda birtüýsli şagalaňlyja aýdyma-da geçiripdir: dyk-s-dyk-s-dyk-s-dyk-s... hijran ýüregim ýaryp, aftaba serdi meni. Hyrydar gözi bile kim gelip gördi meni?... Ne jeset içre jan bar, ne kuwwat galdy tende, Hem sergeşte, hem haýran, bu işe galdym bende... 0 5 Hyýalbent • 12:41, 02.08.2024 Maksat aga eden belliklerñize beren maslahatlarñyza minnetdar. Başardygymdan düzetmäge synanşaryn, ýenede teswirlerñize garaşýan. Sagboluñ!

запомнить
Забыл пароль \| Регистрация

E-mail:
Пароль: