13:51 Laçynyň sesi / goşgyň terjimehaly | |
ÜFLENEN ÝÜREK  Seň soraýan zadyň bu dünýede ýok. Ýok indi meň birwagtky ýüregim. Ýollapdym yzyňdan goşlaryn saňa, Maňa bolsa haňlap ýatan ýüregim... Arzuwlarmy, Şatlygymy, Bagtymy, ... Diňe seniň Bagtyň üçin iberdim. Söýgümi aýamyň üstünde goýup, Üfläp goýberdim... 27.08.1998ý. WAH ÝÜREJIK... Wah, ýürejik , bilýän, seň diýýäniň däl, Arzuwlanyňam däl, küýsäniňem däl. Men nädeýin, nädeýin- dä, geýim däl, Biçäreýem, ýowuz meniň akylym. Dogry, dogry, saňa salynman sala... Dönüklik ... Karamlyk ... Köşeşäý, janym! Bolýar, akyl — zalym, Bo:r, menem — zalym. Sen ýöne mert bol, gaýrat et wara ... Men bar-a, ýanyňda hemişe men bar. 30.04.2007ý. ÝÜREJIK HAKDA Eý, Ýaradan, men ýaradar, Saňa birje sowalym bar: Belent başym sämeden, Meň ýüregim nämeden?! Agaçdanmy ýa daşdanmy? Demirdenmi ýa aýnadan? Baý-baý, käte serimni ol Aýnadar-ow, aýnadar. Plassmasdanmy, matadanmy? Rezindenmi ýa gardanmy? Palçykdanmy?... Hä-ä-ä, palçykdandyr. Palçyk hem däl, gumdandänim Ýasaýansyň tokgalapjyk. Etden-ä däl, şon-a bilýän. Ne ýigrenýär, ne-de söýýär. Ne duýgy bar, oňluja. Ne daşyny ýag tutýar oň, Ne-de içi suwluja. 12.07.2008ý. | |
|
| |
| Ähli teswirler: 3 | |
|
| |
