Name: Men kim?
Item: Men kim?
Author: Pero

Baş sahypa » » Men kim?

12:52 Men kim?
MEN KIM? Men kim? Seniň söýgüli bendäň, gözlerin gaflatdan açyp bilmeýän. Günäleri üçin sygmadyk dünýä, jellat wyždanyndan gaçyp bilmeýän. Ýaz ýagşy deý haý-höwese ýeňlibem, umydygär rehmetiňden, rehmiňden. Aýasynda saklap bilmedik erkin, müýnürgeýän munda ynsan ählinden. Men kim? Halkyndan utanan Hakdan uýalman, ýüz görüp, jenneti unudan adam. Ötegçi zatlara çeken müň arman, öten namazyna köýmedik nadan. Perzendi mähriban enem-atamyň, hem aga, hem ini, garaz, ortanjy. Bagyşlap bilmejek ýeke hatamy bir gelniň adamsy (budur elhenji). Men kim? Kä gijeler seniň adyň gaýtalap, tün asmandan ýere inen bir damja. Dileg etmek üçin ýeke-täk seniň gapyňa ellerin giň açyp barjak. Men kim? Dünýä zererinden az degen nepi, ne bar bolup, ne-de ýitip bilmedik. Her nämäň yzynda bolsa-da sepil, Seniň huzuryňdan gidip bilmedik. © Süleýman HOJANEPESOW
1 2 3 4 5 Bölümler: Goşgular \| Görülen: 89 \| Mowzugy paýlaşan: LegLek \| Teg: Süleýman Hojanepesow \| Рейтинг: 4.4/8

Похожие материалы

Awtoryň başga makalalary

Ähli teswirler: 3
Порядок вывода комментариев: 0 1 Pero • 13:15, 10.01.2024 Men kim? Dünýä zererinden az degen nepi,..."şu ýerde "Zerere" düşünmedim. Zeper bolmalymyka ýa?! "Men kim? Halkyndan utanan Hakdan uýalman, ýüz görüp, jenneti unudan adam." bu setirler sandyratdy. Ahhh,biz şeÿle,köpimiz şeýle. Umuman,goşgy güýçli çykypdyr. Esasy zat bolsa,türkmen agañ galamyndan çykany bildiripjik dur.:))) 0 2 Medicall • 14:02, 10.01.2024 Bagyşlap bilmejek ýeke hatamy bir gelniň adamsy (budur elhenji). Aý, bagyşlarlaram welin, iñ etmeli däldigini bilibem etmek adamzada mahsus ejizlik.(esasy erkeklerde, aýallar bu babatda bagyşlanmaga asla garaşmaly däl, hata göýbermäge meýl etmek hakynda-ha gürrüñem bolup bilmez... ) Her nämäň yzynda bolsa-da sepil, Seniň huzuryňdan gidip bilmedik. Hawa, esasy zat ONUŇ dergähinde bolmaklyk... Ýüregiñ çuñ ýerinde, Ruhuñda, bar ýerde-de ONUŇ ýanyñdadygyny duýup bilmek... Şowly ESER! Ütünlik! 0 3 sussupessimist • 09:46, 12.01.2024 Erbet däl. Men kim? diýen soragy köpräk beribermeli özüňe, ýöne ýüz görmezlik bilen jogabyňam almaly. Namazlygyň aňyrsynda bukulman. Galamyň ýiti bolsun! 7/10

запомнить
Забыл пароль \| Регистрация

E-mail:
Пароль: