"Biziň üçin ähli zadyň çägi bar,"

dogry...

"Bilmedim näme üçin muny islemäm," - munuñ sebäbi siziñ ruhuñyzda, ýüregiñizde OŇA bolan söýgi, kämil ynsap joş urýan bolmaly... Goý ol hiç wagt öçmesin!

Şu ýerinde:
"ne sogap, ne günä, oýnanok maňa" diýende "oýnanok" sözi büdredýär pikiri, belki başgarak almalydyr şol sözi?

"ýok, ýok,
edil sen deýin
ýaradasym gelýär söýüp bir zatlar."
- bu setirde öte geçilipdir.
Sebäbi ýaratmak diñe Ýaradana mahsus, degişli. ONUŇ ýaradanlary bolsa diñe döredip, gurup, ýasap bilýändir. Umuman şol pikir ýerinde däl.

Galamyñyz ötgür, sözüñiz kesgir bolsun!

«Biziň üçin ähli zadyň çägi bar
çykyp bolmaz,
ýykyp bolmaz diwaryn».
ÇYKMAN WELIN GÖRÜP BOLMAZ DIDARYŇ!
:)

Käbir teswirçileň her bir zada yrsarap durmalaryny hiç oňlap bilmesemem, şular ýaly goşgyny gören wagtym pikire batman bilemok: "Teswirçiler öte geçýärmi ýa-da awtorlar?" Hiç kime-de "Hiç kime-de eýle pikir etmek dogry däl, beýle duýmak günä " diymegiň hiç hili ähmiýetiniň ýokdugyny bilýän, ýöne pikirmizi , duýgymyzy köpçülik bilen paýlaşmaklyk- paylaşmazlyk özümize bagly zat.Ýaradana meňzejek bolmagyň dogrudygy ýa-da dogry däldigi barada takal okap oturmak artykmaçlyk, sebäbi şeýle arzuwda bolan adamlar öňem ýok däl, olaryň içinde özlerini dünýäniň iň güýçli filosofy hasaplanlaram, şeýle diýilip köpçülik tarapyndan ykrar edilenlerem bar. Olar näme-de bolsa Ýaradanyň dört kitabyndanam, olar barada ýazylan müňlerçe kitaplardanam habarly bolan adamlar (şonda-da şeýle arzuw pikirde bolup bilipdirler), bu ýerde bolsa hemme erbet zatlardan saplanmak isleýän awtoryň sadadan arassa ýürek arzuwy, ýöne awtoryň şeýle arzuw-hyyallaryň soňa-baka has mojuk zatlara eltyäninden habaram ýok.
Arassa bolmak üçin Ýaradanyň Özüne meňzejek bolman, Önuň buýruklaryny berjaý etmegiň özem ýeterlik.
"Gowy niýetler bilen dowzaha ýol ýasadylar" diýip bir aýtgy bar. Ýaradana meňzejek bolmaklykda soň özüňe Ýaradana garaýylşy ýaly garalmak, şoňa boýun bolunyşy ýaly boýun bolunmaklyk isleginiň dörejegi ikuçsyz.
Şeýle mysallar kän, ýöne olarda esasan özlerini Pygammer diýip ykrar edilmegini talap edýänler öňe çykýardy. Ýadyma düşýär, 90-njy ýyllarda biri süŕýän ulagynyň (taksiçilik edýärdi) öňki we yzky aýnalarynda ullakan harplar bilen "MEN — PYGAMMER" diýip ýazýardy. Kiçijik etrapda hemmeler biri-birini tanaýar, şoň üçinem oňa ilki hossarlary, soň klasdaşlary "Beýdip ýörme!" diýselerem, diýen etmedi, soň döwlet tarapyndan oňa birnäçe gezek duýduryş berildi.Ol bolsa:" Maňa ylahydan şeýle ses gelýär" diýip tutýar (käbir şahyrlara ylahydan setirleň gelişi ýaly). Medisinada "şizofreniýa" we şoňa meňzeş ruhy kesellilere-de şeýle sesleriň gelýändigi anyklanan zat hasaplanýar. Bu barada anekdotam bar: dälihanaň bir palatasyndan goh gelýär:" Meni näme üçin Pygammer diýip ykrar edeňzok?! Meni hut Taňryň özi iberdi!". Palatalaryň başga birinden jogap gelýär:" Ýalan sözleýär — Men hiç kimem iberemok!"
Üç-dört ýyllykda Harby ministrligi we Ýaşlar guramasy tarapyndan geçirilen bäsleşigiň sylaglananlarynyň arasynda Şüleýmanyňam ady bar eken. "Söze erk edip bilýän oglan ýaly-la" diýip, görmek höwesi bilen barypdym, ýöne kanikul wagty holansoň, ol gelmändir eken. Muny aýtmagymyň sebäbi: belliklerim bilen Süleýmany kemsitmek islemeýändigim.
"Самоцензура" diýip bir zat bar. Meniň pikirimçe, şol eline galam alan adamlaryň hemmesinde bolaýmaly. Beý diýdigim — "beýle eserleri" ýazmaly däl diýdigim däl. Içiňe, ýüregiňe, kelläňe sygmasa, has beterräk zatlaram ýazylýar. Gep — ýazanlaryňy köpçülige hödürlemekde. Şonda ýazan zadyňy şol senzuraň eleginden geçirip bilmekde.
Soňky döwürde ýazýan goşgularyny okap, almagy mynasyp bilse, Süleýmana berjek ýekeje maslahatym bar: ünsüňi dünýäni düzetjek bolmaklyga däl-de, goşgyň tehnikasyna berjek bol– maňa seni görmek isleden setirleriň ýitip barýar diýen ýaly.
Hormat bilen — Çary Ataýew

"Arassa bolmak üçin Ýaradanyň Özüne meňzejek bolman, Önuň buýruklaryny berjaý etmegiň özem ýeterlik." - gaty dogry!

Çary agaň teswirde aýdanlarynyň ählisi bilen ylalaşýan, awtora giňişleýin maslahaty üçinem özüm bolsam-a sagbolsun aýdardym.

Çary aga! şunuň ýaly peýdaly pikirleriňize garaşýarys. Elbetde şular ýaly seljerip tankydy edip bilýän halypalaňky dogry. Pikir täze pikir döredýär, şonuň üçinem awtor üçin bellik, seljerme, tankyt zerur şular ýaly. Sagboluň, Barboluň!

umuman aýatlar bilen "Meniň meňzeşim ÝOK" diýip Özüni tanadansoň Oňa meňzeş bolmaklyga höwes etmek ters (howply ters).
ýöne Onuň häsiýetleriniň şöhlenenmesiniň zerresiniň zerresinden zerre ýokundylar her birimizde, her bir ýaradan ynsanynda bar. o hem başga gürrüň...

Dogry pikir. Dünýägaraýyş bilen bagly islendik pikirem subýektiwligine galar. Kä kişi üçin küpür ýaňlanýan sözler başgalar üçin norma bolup biler.
Ýöne sen şeýle pikiri köpçülige çykaran bolsaň, şol köpçülikde ýoň bolan garaýşa görä tankyda gabat geljegiňe-de taýyn bolmaly. Samosenzurany welin, ahlak meselesinden gaýry zatda kän bir oňlamok.

ahlak diýýänimem, ol, "malyň etini soýsaň, itiň işdäsi açylýar, sizem, gyz-gelinler, örtenip geziň, biziňem işdämiz bar" diýen azar-ul-manýak filosofiýa däldir))