"Biz" diýip başlanyna oglan bilen gyzyñ arasyndaky söýgi gatnaşyklarymyka öýtdüm. Soñ... Umumylykda özümi görüp bilmedim. Gozgalýan mesele dogry bolsa-da goşguda ýerine düşmändir.

G.Ezizowyñ "Maña öwran-öwran diýdiler..." diýip başlanýan goşgusy şahsy özüne degişli bolsa-da, umumy meselä ýüzlenişi ýaly bir zatlar etmeli

"Gorkmasadyk jähennemiň odundan,
kimiň halal-haram bolardy derdi?
Ýa jenneti wada bermedik bolsa,
kim gara başyny seždä goýardy?"

Howa-da, şahyr näme diýse şygyrýet dünýäsinde oňa ýol açyk.

Emma ündewçi hökmünde şeýle pikirler bilen çykyş etmek netijesiz pişe. Çünki:

1. Bu entek dünýädäki problemalary çözerlik derejede moraly (ahlak diýesim gelenok, ol bizde başga ýere urup gidýär) ýeterlik däl adamzatdan hasam ýokary moraly talap etmek bilen diňe zyýan getirýär.

Meselem, soraýarys: "Musulman doganlarymyz açlykdan ölýän owgan, filistin, rohinýa görgülilere kömek edýärlermikä"
Aýdýarlar: "Gaty az. Öň müň adam kömek iberipdir". Biz diýýäris: "Alla olary o dünýäde sylaglasyn".

Awtorymyz ara goşulýar: "Onsoň olaryň içinde, gör, näçesi Allanyň ýalkawyna tamakin bolup sadaka eçildikä? A näçesi sap söýgi üçin (şonuň nämedigini, dogrusy özümiz-ä anyk bilemzogam) ýüreginden çykardyka? Beýden azdyr-la. Bu sadakalaryň aňyrsynda hantamaçylyk bar. Beýle sadakanyň ýüzüne köz degsin!"

Biz aýdýarys: "A-how, şoňa begenmeli gaýtam! Özümiz onam edemzog-a (sen özüň bir berýäňmi?). Ol-a Alladan hantamaçylyk eken, adamdan hantamaçylyk bilen (özüňi reklama etmek, nalogda ýeňillik almak) üçin edilenem bolsa uly iş ahyryn" (Bu arada, kä ýurtlarda sadaka bermek iş adamlaryna soňky hasapda
gaýtam bähbitlimiş).

Bir dana aýdypdyr: "Nankörligiň (türkizm üçin bagyşlaň) iň ilkinji ädimi - edilen ýagşylygyň motiwini kopaýt edip başlamakdyr".

Diýmek, ýaňky ýaly maksimal talaplar moraly kämilleşdirenok, öňküjesini hem weýran edýär. Bu - bir.

2-nji mesele. Bu seniň dindarmy ýa-da dünýewi adamdygyňa bagly.

Eger dindar wariantda bolsaň, onda Allanyň dowzahyndan gorkup we jennetinden umyt edip ahlakly bolmak seniň üçin iň tebigy ýagdaý bolmaly. Ýagny çyn ortodoks musulman hut şeýle hem bolmaly. Allatagala ýüzlenip: "Seniň jennet-jennet diýip ýöreniň näm-aý: içi birtopar top-modelli willa-laý; ony kim islese ber-äý, maňa Özüň gerek Özüň" diýenler - jögi sopulardyr. Häzirki wagtda olaryň musulmanlygyna örän şübhe edilýär. Pygamberlerimiziň, çaryýarlaryň döwründe beýle zatlardan nyşan ýokdy. Bar arzuwlary - jennete düşmekdi. Allatagalanyň Kuranda talap edişi ýaly. Allatagala öz jennetinden hantama, dowzahyndan gorkup titreýän adamlary halaýar. Hezreti Omar ýalylar dowzahdan gorkusyna sandyrap-sandyrap aglaýardylar. "Öz didaryň gerek" diýýänler düşnüksiz adamlar. Allatagalanyň didary o dünýä-bu dünýä hiç bir bendä elýetmezdir. Magraç prosesinde Pygamberimiziň göreni hem jedelli.

Bu musulman sapyklaryň ýalňyşy.

Emma dünýewi bolsaň?

"Allatagala ýüzlenip: "Seniň jennet-jennet diýip ýöreniň näm-aý: içi birtopar top-modelli willa-laý; ony kim islese ber-äý, maňa Özüň gerek Özüň" diýenler - jögi sopulardyr".

Aşkın aldı benden beni
Bana seni gerek seni
(Ýunus Emre)

Yrak eýle menden meni
.... (yzy ýadyma düşenok)
( Magtymguly)

Ýaran däde size gelişdirmedim, sizden garaşmadym. belli bir hallara derejelere baryp ýokarky ýaly zatlary diýenler jögi sopy bolýamy. jögülik nähili manyda?

---
"Allatagalanyň didary o dünýä-bu dünýä hiç bir bendä elýetmezdir. Magraç prosesinde Pygamberimiziň göreni hem jedelli".

bu sözlerem jedelli, ýöne jedele girmek islämok.
käbir zatlara akyl bilen aň ýetirlenok...

Howa, dinden üzňe güýçli dünýewi moraly hem görýäris. Iňlis gämi kapitany (dinsiz) ýokardan özüniň wyjdanyna sygmaýan buýrugy alýar. Ýerine ýetirýär, emma soň derrew özüni atýar. Ýogsam
ony Hudaý-beýleki gyzyklandyranok.

Ýaponiýada ýer titräp weýran bolan bir şäheriň häkimi şäheriň wagtynda dikeldilmeýäninden özüni müýnli saýyp, olam şeýdip dünýäden gidýär. Dindar däl.

Sekulýar jemgyýetlerde-de şeýle ýokary moral bolup bilýär, baram.

Ýöne, möhüm tarapy, beýle ýokary moral söýgi diýen zatdan gözbaş almaýar. Professional duýgy, borjuňa wepalylyk, lebiz-messep, mertebe, ar-namys ýaly zatlardan emele gelýär. Özem beýle derejä ýetmek üçin millet uzyn ýol geçmeli.

Söýgi diýeniň bolsa beýle ýokary moral derejä kän dahyly ýok. Söýgi haçan ýokary bolupdyr? Gadymyýetdemi, orta asyrlardamy, häzirki döwürdemi? Ölçegi nämede? Köp bolan bolsa jemgyýet üçin näme iş bitiripdir? Hiç kim aýdyp bilmez.

Günbatarda din galmady, emma köçede bir keselli pişik bolsa, lukmana äkidilip bejerilýär, "pişikler öýüne" ýerleşdirilýär.

Gündogaryň kyrk metjitli bir şäherinde itiň boýnuna ýüp salyp, diriligine ulaga süýredilip geçilýär. Hatda adamyň hem şeýdilen halaty bolýar. Musulmanlar seredişip durlar.

Näme, Allah şöýgini buýran bolsa, onda şony ýerine ýetirip ýören indi Ýewropa bolup çykýarmy?

Emma her niçigem bolsa musulman jemgyýetlerde bolanja moraly saklap oturan hem ýene-de şol din ahlagy: dowzah gorkusy, jennet tamasy.
Şondan başga zady talap edip, ojagazyndanam dyndarsaň bizde hiç hili moral galmaz.

Dünýewi moraly, raýat moralyny biz entek öwrenemzok, bar moralymyz hem gorky-umyt balansyna daýanýar:

"HUDAÝDAN GORK, DOGAN, BEÝTME! ALLA SEREDIP DUR"

"TAŇRY ÝALKASYN, DOGAN, IKI DÜNÝÄŇ ABAT BOLSIN, ALLADAN GAÝTSYN!"

Aňrujy täsir etse, ine, şu ikisi täsir edýär, bolmasa o-da işlänok.

A Siziň "Biz söýmeli! Bimöçber söýmeli!" diýýäniňiziň gram täsiri bardyr öýdemok.

Özüm-ä şeýle ündewlere düşünemogam. Sen Isa pygambermi şöýer ýaly, ýa men şolmy?

Maňa ol "телячий" söýgüleriňiz gerek däl.

Adamçylyk mertebämi ykrar ediň,
raýat hökmünde sarpamy tutuň,
hyzmat etsem garşylygyny beriň, şahsy territoriýama hormat goýuň.

Söýgä bolsa diňe degişli adamlardan garaşyp bilerin, olam mynasyp bolsam.

Garaz, biri-birimizden aşa köp zat talap etmäliň. Kämil jemgyýet, ine, şüdür.

Çaga gürrüňlerini geçeliň.

Mahlasy,
OKLUKIRPI DILEMMASY.

"...belli bir hallara derejelere baryp ýokarky ýaly zatlary diýenler jögi sopy bolýamy. jögülik nähili manyda?"

Raks oýnap, neý çalyp, pyrlanyp, "belli bir hallara" baran Rumy şondan näme kämillik edindikä?

Howa, genial şahyr, emma biz bu ýerde moralyň, söýginiň gürrüňini edýäris. Şol "ýeten halynda" Allatagalanyň didaryny gördümikä?

Allatagalanyň didaryny görenden soňam, Onuň emri bilen mongol hanlaryna lepbeýk getirip, serpaýlaryny geýdimikä? Grekleri söýüp, türkleri ýekirip, hemme konfessiýalara gowy görünmek, elbetde, gaty amatly pozisiýa, emma Pygamberimiziň, ashablarynyň, çaryýarlaryň bolşy bilen deňeşdiriň. Şolaryňkylar bilen Rumynyňky bir dinmi?

Elbetde, aşa çylşyrymly mesele. Gowusy, bu ummana girmek gerek däl. Aňyrsyna bir ýetmersiň, yzyňa ýüzüp çykjagyň nägümana.

"Awtobusda ýaşula ýer bermekde
«Soň bize-de berler» diýen tama bar"

Şeýdýän ýaşlary biz başymyza täç ederis, ony hem etmediklere alajymyz näme?

Ene-atasynyň, mugallymlarynyň "Sen ýaşkaň garrylara ýer ber, garraňda ýaşlar ýer bererler" diýenini gulagynda saklap, amal edýänlerden men ýene näme isläýin?

Özüme ýer beren ýetginjek barada "Garranda ýer berler diýen tama bilen edýär-laý. Ah, tamakinçilik, tamakinçilik! Hany, hakyky söýgi? Adam diýeniň pes mahluk-da" diýip pikir edip otursam, meniň özüm kim bolaryn?

Tamakinçiligiň ulusy, gaýtam, şol. Bolmajak zatlara tamakinçilik. Biz bu dünýäden diýseň uly, bimöçber zatlary tama edýäris.

Beýle bolmaýlyň. Hormat etseler razy bolalyň, emma şeýlekin söýgini bolsa biz gazandykmy? Haçan, nädip gazanyp ýörüs?

Çagadan görelde alyň. Süýtleňňejiň tozgasyny üfleseň hezil edip gülýändir. Önusyny üfleseň on gezek güler.

Uly adamlar tozga ünsem bermez. Nähili owadan, gyzykly zatdygyny bireýýäm ýatdan çykardylar.

Bir pastoryň gazaply çykyşy ýadyma düşýär: "Siziň içiňizde heý ýeke biriňiz şu dünýäge-hä däl, şu dünýäniň ýekeje süýtleňňiç tozgajygyna ýekeje gezek seretmegi hak etdiňizmi, gyzyňalaýynlar? Içiňizde barmy şony hak eden?".

Howa, biz hak etsek-etmesek Allatagala bizi şu gözel dünýä getirip, onuň bir ýekeje tozgajygyny däl, ähli güllerini aýagymyzyň aşagyna serdi.

Gaty tiz unutdyk. Ähli nygmatlar az. "Bizi söýenoklar, söýgi ýetenok" diýip zarynlaýarys. Irden ýüzüňi çoýýan Günüň ýekeje tygy müň alkyşyňa degenokmy? Hemmeler seni bagryna basmalymy? Özüň haçan haýsy ýetimi bagryňa basyp, gözýaşyny guratdyň? Ol nankör çykdy-da özüň öňküsinden beter söýdüňmi?

Aslynda şu "bizde söýgi az" diýen pikir taýdan boş, estetik taýdan gözgyny, suwjuk pafos türkmen edebiýatyna nireden geld-aý? Magtymguly-beýlekide ýok. Dünýä edebiýatynda-da ýadyma düşýäni ýok. Bir-ä tapdy şuny.

Ýaran Ýagmyr kim??? Bar il älemiñ hekaýa, goşgusyny musora ataýmaly etdi-dä. Käşgä özi şolarça ýazyp bilsedi.....

Mergenowna,
näçinji klasda okaýaň, bally?

Goşgyny tankyt etmek üçin özüň bir setir goşgy ýazmagyň hökman däldigini bileňzokmy, jigim?

Futbol synçysy gygyryp otyrka "Şunuň özi şolarça oýnap bilýärmikä?" diýýän ýöntemjelerdenmi Siz?

Ýok, oýnamag-a däl, göni depibem bilenok, gaýtam özi aýagy çolaşyp ýykylýar.

Tankytlamaga hukuk öz döredijiligiňe bagly däl. Ilki şol derejede ýazyp, soň tankytlamagy talap etseň (ýagny diňe ussatlardan), onda tankyt ýaşamazdy.

Beýle edebi däl düşünjeleriňiz bilen edebi sözbetlere, gowusy, goşulmaň. Çöp-galama urýarsyňyz.

Onsoňam, men goşgynyň çeperçiliginiň gürrüňini etmäň, ideýasyny ýepbekledim. Ideýa gürrüňleri bolsa, din ýa-da syýasat ýaly, gyzma, emosional tonda bolýar, öte hem geçiläýýär, gödek sözlerem gidiberýär.

Onuň üçin ötünç soraýaryn welin, ýaş awtor ynamly bolsa, beýle kötekleşmeler onuň howuny başar öýdemok. "Tokaýa giren möjekden gorkmaz". Ýazýan adam tankydy kän eşider. Onsoňam bir goşgy onuň döredijiligini kesgitlänok. Emosiýaly kötek sözler bolsa onuň aýdýan pikirine degişli, ýagny ol bu ýerde şahyr hökmünde däl-de, ündewçi hökmünde tankytlanyldy.

Ýaran-99, med uniweri gutardym. bizi original professorlar, Hormatly Milli Liderimiz okatdy, ýañralar okatmady.

OK, onda şol derejede boluň!

Ynamlaryny ödäris, обязательно!

(Ýerelaşyň soňundaky 4-5 notalyk saz ýaňlanýar we "Ýerelaş" ýazgy pytrap, ondan aslyşyp duran çaga ýere gaçýar)

ВСЁ!

"Джентльмены Удачи"-daky ýaly "Обрили уже!" diýýän ýeri ýada düşdi...
:-)

- А что профессор не приехал?
- Нет, доцент приехал.

Ýaran daýy "...edebi däl düşünjeleriňiz bilen edebi söhbetlere, gowusy, goşulmaň..." diýende Çarli dosumyň sözleri ýada düşdi.
o diýýä: "Bärsi meň pikir edişim ýaly haýwanlar üçin hassahana däl eken. Bärsi ylym üçin labalatoriýa. Ylmyň nämedigni bilemok ýöne şu ekisperment bilen oňa kömek edýänimi bilýän".

hawa, bärsi "edebiýat labaLAtoriýasy. hassahana dä..."
ýöne düşünmänem ekispermende kömek edip bolýa.

Mango däde, reklama öňler aýdyp geçýärdiň weli))

düzedeýin onno (reklama okolonok öýdüpdüm wöli...).
REKLAMA
ELJERNON üçin güller / dowamy