Name: Ol kim?!..
Item: Ol kim?!..
Author: lirika

Baş sahypa » » Ol kim?!..

16:29 Ol kim?!..
OL KIM?!.. Men kimdir birini unudan ýaly, Kimdir biri çykan ýaly ýadymdan... Ýüregim käteler tisginip gidýär, Nätanyşyň has nätanyş adyndan. Ýerden çykan ýaly bolup bir şemal, Birdenkä sypalap geçse başymy, Men oňa şol diýip, edýän-de güman, Synlamaga gorkýan degre-daşymy. Durmuş tapmaçamy, Gurluş tapmaça?! Soraglar ummany heläk etjekden. Adam öz-özüni gözläp tapmasa, Oňa kimdir birin sebäp etjekden. Her kim göräýmäge hoşgylaw ýaly, Başga kişi bolýar, baraňda deňne. Ol kim, döräýmeli goşgulam ýaly, Meni dert-azara salarça beýle?! Ýatdan çyksa, ýatdan çykmaly zatlar, Soň yzyna geljek bolup durmasa. Men ýene tisginýän nätanyş atdan, Ýalta bakýan, nätanyş ses gürlese... © Aýgül BAÝADOWA
1 2 3 4 5 Bölümler: Goşgular \| Görülen: 113 \| Mowzugy paýlaşan: Aygul \| Teg: Aýgül Garaýewa \| Рейтинг: 5.0/5

Похожие материалы

Awtoryň başga makalalary

Ähli teswirler: 4
Порядок вывода комментариев: 0 1 lirika • 23:23, 25.04.2023 Su gosgyny okamda kitapcy.ru -da Mangoñ teswiri ýadyma düsüp gitdi. Hakykatdanam, soñky topbagyñ soñky setirindäki: Ýalta bakýan, nätanys ses gürlese...-ses gürlänok, ses esidilýär ahbetin 0 2 Pero • 08:29, 26.04.2023 Lirika,bu bellik bilen hem ylalaşmaly hemem ylalaşmaly däl. Sebäbi döredijilikde öñki kada boýunça bolmaly zatlardan mahal-mahal daşyna böwüsmelimikä diýýän. Aslynda ses eşidilýär emma şony ilki biri gürlemeli. Diýmek gürlenilýär = eşidilýär. Aksioma ýaly bir zat-da :) 0 3 Pero • 08:32, 26.04.2023 Goşgy weli ÇUÑ. Adam özüni unudýar,öz içki sesi bilen başga biri ýaly dialoga girip bilýär. Özüne özi nätanyş ýaly duýulýar. 0 4 lirika • 10:37, 26.04.2023 Dogry, Meñli ýöne esdilmek bir zat gürlemek bir närse-dä...

запомнить
Забыл пароль \| Регистрация

E-mail:
Пароль: