01:36 Sabyr | |
| SABYR Eeýýäm näçe asyr söweşýär olar. Ýagşylyk ýamana berip gaýtawyl, Asmanda Gün çykdy sowuldy dowul. Söweşler pidasyz bolmaýar ýöne, Mertlik ýaralanyp ugrady pana. Esgerler jem bolup etdi maslahat: -Ili-güni ençe ýyllap har eden, Uly duşman ýok edildi aradan. Emma, tapylýandyr mydama betpäl, Halkymyz ýagydan bütünleý dep däl. Serkerde söweşde bolupdy wepat. Maslahat etdiler: -Berilmän ala, Baştutan saýlap düşmeli ýola. Goragsyz galandyr bu wagt mähellle, Eglenmek bolmaýar bize sähel-de. Serkerde diýilip bellendi Sabyr. Her egni üç esger baryn deň kylyp, Dillendi Sabyr han sözün jeem kylyp: -Başga meseläni goýmaly. Diňe, baryp goramaly gowşup il-güne. Olar ýola çykdy maksady aýan. Çaltdan gadam urup ýördüler kemsiz, Saklanmak bolmaýar sürdüler demsiz. Öňem ýeňilensoň islegi paşman, Peýledi olary azalan duşman. Söweşse ýeňiljek ejizdi olar. Agtaryp tapmaly ýarag ýa hile, Şeýdip şa bolmaly mydama ile. Çözgüdi tapyldy, ýeňledi gerden, Olary tutmaly diňe bir-birden. Men-menlik baş bolup tutdular Erki, Ol güçli, gaýraty daglary deşen, Emma, ýeke boldy saldylar kişen. Kömek beriljekdi, baştutan kejir, -Eglenmek bolmaýar! dillendi Sabyr. Hasrat Gaýgy bilen Şatlygy tutup, Gollaryn daňdy-da geýdirdi nogta. Akýan gan mysaly döndi ol lagta. Hem-de suw mysaly gaýnaýar lagyr, -Kynçylyk taplaýar! Dillendi Sabyr. Rysgal ýesir düşdi bähbit eline. Indi şol adyl sud, indi ol kazy, Artanyn iberýär adamlar sary. Özüne paý alyp tonnadan agyyr, -Hemmesi düzeler! Dillendii Sabyr. Söýýgini güýldüler tutuup mal kimin. Ýigrenç çakdy depesinde şänigi, Ýasamalyk tutdy beýik şalygy. Ol sedasyz ççekip ýatanda ejiir, -Mert boluň, gam çekmäň! Diýdi han Sabyr. Bagty tutmak kyn bolmmady Betbagta. Onsuzam kuwwatdan gaçypdy halys. Indi ony ýatlap beriljeekmiş ys. Sebäp gazylypdyr bireýýäm gabyr. -Umytly bolaly! Dillendi Sabyr. Umyt bolsa şol wagt ýykyldy ýere. Demin sanaýýar, ak ýüzi tutuk, Duşmanlar beegenýär goşmaça utuk. Emma, ol janlydy, urýardy bagyr. Hak diýip bir özi ýýöredi Sabyr. Baryp ýekelikde gowuşdy halka. Emma, hemme kişiň ýüzleri soluk, Bagdaky bägüller gury ýa ýoluk. Ýollary bitekiz takyr-da-tukur, Saraldy, inçeldi, ýykyldy Sabyr. Ynha, ýýowuz güçler heşelle kakýar. Adamlaň başlary egilýär gepden. Gaýgy-gam sag aýak, Bagtsyzlyk çepden aslyşýýar. Ýesire gazylýýar gabyr, Olar başyn ýaýýkap, -diýýärler:-Sabyr... Degre-daşa ynnananok göz aýlap. Kellesi dumnalap köpeldi wagyr, Ökünç al-asamandan ýagýardy şabyr: -Wah, özüň günäkär, söweşddiň ne bir, Ne-de söweşjege ýol berdiň Sabyr. Sabyr... © Ahmet ARAZOW | |
|
| |
| Ähli teswirler: 2 | |
0
| |
