17:47 Masgarabaz | |
| Masgarabaz Başydy ol, ol sahnanyň goýnundady, Ähli halkyň hal-ýagdaýy boýnunady, Oňa kän el çarpdylar hormatyna däl, Gülki onuň ters, içýakgynç oýnunady. Sahna Ol berilýär hakykaty diýmäne, Ol berilýär halk derdini duýmana hem-de söýmäne, ýöne berilmeýär, Gury söze mähelläni güýmäne. Nykap Ol geýilýär hakykaty sözläre, Ol geýilýär gaýgy-gamy gizläre, Hak diýip geýiň, ýöne geýilmeýär, Bähbit üçin ýagdaýyňy düzläre. Hakykat Hakykat biz seni gözledik çuňdan, Çyndanam isledik ýetmeklik saňa. Çaňa garylyplar gözledik gumdan, Tümden gözleýiban ýetmedik daňa. Owazyň gözledik özge dillerden, Gülleri ysgadyk müşgüňi tapman. Toplan arzuwlarmyz Dunaý, nillerde, Sillerde akdyrdyk böwedin ýapman. Gülletjek diýp gülleri aýryp elin, Delilsiz şor ýeri agdaryp ýörüs. Kör biz, hakykat alnymyzda welin, Henizem biz ony agtaryp ýörüs. Ahmet Arazow | |
|
| |
| Ähli teswirler: 2 | |
|
| |
