Name: Sen aýdym aýdañda....
Item: Sen aýdym aýdañda....
Author: Seýran

Baş sahypa » » Sen aýdym aýdañda....

23:19 Sen aýdym aýdañda....
SEN AÝDYM AÝDAŇDA... Bu köñül bilmedim nämä ulaşdy, Güneşiñ telleri güle çolaşdy. Bir görsem sen Zar-zar, bir görsem Bar-bar, Pikiriñ kelebi birden bulaşdy- Soñ çözlenip geñ enaýy gül açdy! Gözüñi aç, oda girme perwana- Menem geldim köñlüm köze sermãge. "Ak maýañ ýolunda" aýdym aýdýan kim? Sandygym açaýyn "Toý paý" bermäge- Dünýä çykdy bu pursady görmäge. Saz elenýär, yşkly sözüñ odunda, Göwün badym durarmy öz badynda?! Ýeller dymdy, saña gulagyn goýup, Bir zatlar-a galypdyr oñ ýadynda - Duýgularymyñ zyýaraty adynda. Dag üstüniñ sili gaýtdy içimde - Sesiñ uçýar durnalaryñ göçünde. Asman aýnasyny ýüzüme tutdy - Dilimi dişledim şonuñ üçin-de - "Pyýadam" paýhasyn bermez göçümde. Sen aýdym aýdañda wagtlar döwüldi - Ýürek perdesini çekdi köñülde. Zenan Hudaýynyñ heýkeli ýaly - Syrym dymýar Galam küýsän dilimde - Bu zatlar däl indi meniñ elimde... 17.03.2023 © Oguljemal ÇARYÝEWA
1 2 3 4 5 Bölümler: Goşgular \| Görülen: 176 \| Mowzugy paýlaşan: Medicall \| Teg: Oguljemal Çaryýewa \| Рейтинг: 5.0/2

Похожие материалы

Awtoryň başga makalalary

Ähli teswirler: 6
Порядок вывода комментариев: 0 1 Seýran • 09:10, 19.07.2023 Ahyrky iki bendi ýeterligem eken. Galany san artdyrmak üçin ýazylan deý. Okap otyrkaň hem lezzet alynmaly goşgudan. 0 2 Tuman8225 • 20:50, 19.07.2023 Özi okap berse diňlemek hezil goşgularyny. 2 3 Medicall • 21:12, 19.07.2023 @tuman8225, Näme üçin minuslaýañyz ol agzany? Goşgy barada öz pikirini aýdany üçinmi? 0 4 Medicall • 20:55, 20.07.2023 @ Seýran, bu size awtordan jogap: " Сен айдым айданда" бу гошгыны Хажы Язмаммедин айдымларыны динлап яздым. Менде айдым-саз, танс пурсатларындан, овадан чекилен суратлардан сон хем кате дорейар. Айдымчынын ирки язгыларында ,,Зар-Зар диен айдым бар экен.Шол айдым калбымы гозгады. Гайта 1-нжи , 2-нжи бендин хатырасына сонкы бентлер дореди. X.Язмаммет , А. Кадыр бн дурмушда гурлешип гормесем-де саг болсун айдян. Ылхамлары жошсун! Оларын айдымы мана бирначе гошгы язмагыма себап болды. 0 5 Seýran • 11:16, 21.07.2023 Sag bolsun. Her şygra bir ýagdaý sebäp bolýar. Eger başky iki bendiň hatyrasyna dörän bolsa ne ýagşy, barha güýçlenipdir gaýtam. 0 6 Seýran • 11:17, 21.07.2023 Dogry, köp şahyr öz şygyrlaryny labyz bilen okaýar, diňläp hezil edýäň. Emma ony biz hem okaýas ahyry.

запомнить
Забыл пароль \| Регистрация

E-mail:
Пароль: