Name: "Mukam" tansyna
Item: "Mukam" tansyna
Author: Мango

Baş sahypa » » "Mukam" tansyna

20:36 "Mukam" tansyna
"MUKAM TANSYNA" Gülden-güle tans oýnaýar kebelek, Gyzyl güller näz edýärler enaýy. Döwre guran dünýäñ özi tegelek, Begenjinden geýinipdir daraýy. Görsenr, bu yşkdan jahan çyraýy. Ak kebelek saz içinde towlanýar, Ter gülleriñ baş egişi ne gözel. Ak ýagyşdan göwher daşlar ýuwlan, ýar, Janym, bu aýralyk berlipdir ozal, Şemal hem ýatladýar pyşyrdap gazal. Başýuwy gözleýän mekgejöwenim, Ykjadypdyr sap-saryja gulpagyn, Eý asman! Damjalarny öwenim! Daglara geýdirip akja telpegin- Meniñ elýaglygym nirde ýelpenen? Men ony seripdim güneşde güle- Hum içine düşen daman damjalar. Ak kebelek, hany özüñ al ele, Ganatyndan dökülip dur hünjiler- Olar iññe bolup maña sünjiler. Güller tans oýnaýar, "Ah, tansyk, tansyk!" Ýer tapmadym bu pursady sermäge. Bogazym dolup dur, bol indi hamsyk! Ot içinde perwaz urýar perwana, Neçüýn bu saz meni goýdy armana?.. 29.06.2023ý. © Oguljemal ÇARYÝEWA
1 2 3 4 5 Bölümler: Goşgular \| Görülen: 140 \| Mowzugy paýlaşan: Medicall \| Teg: Oguljemal Çaryýewa \| Рейтинг: 5.0/2

Похожие материалы

Awtoryň başga makalalary

Ähli teswirler: 3
Порядок вывода комментариев: 0 1 Мango • 01:49, 11.07.2023 Başýuwy gözleýän mekgejöwenim, Ykjadypdyr sap-saryja gulpagyn, başýuwy – süzmeden süzülip çykan suw. ony şampun ýerine ulanypdyrlar. saryja gulpaklar ykjan bolsa, diýmek mekgejöwen şampun tapan bolmaly. :-) (degişmedir, gaty görmäweriňler) --- "Güller tans oýnaýar, "Ah, tansyk, tansyk!"..." "tansyk-tansyklar" geň eşdilýär. --- soňlamadaky howsalany haladym: Bogazym dolup dur, bol indi hamsyk! Ot içinde perwaz urýar perwana, Neçüýn bu saz meni goýdy armana?.. oda ymtylýan tans edýän-u etmeýän perwananyň soňy armanly... ýöne goşguda kebelek "Gülden-güle tans oýnaýady"... soňy ot bilen gutardy... büýem bir interesnyý goşgy. 0 2 Medicall • 20:43, 11.07.2023 *Halypa şahyr Oguljemal Çaryýewadan:* Салам! Манго унс беренине саг болсун! Мукам тансыны горуп дуйгуланып яздым. Менин хем говнум танс ойнады. Мекгежовен менин яшлыгым ве Гулпакларым хем умытларым. Тансык--нагыш ады ягны херекет диймек. ,,Алем" , ,,Гушлы гол" диен ялы. Тансыкда учуп барян шекил бар. Элбетде гошгы душундириш талап этсе максада лайык дал. Йоне душундиресим гелди. Ене бир гезек Саг бол, Манго! Сенин почеркин ашагындан адамкарчилик бн таныш йуз горйан... 0 3 Мango • 09:39, 12.07.2023 Salam Oguljemal hanym. adam köp geplese gelşiksiz ýagdaýa-da düşäýýär. menem "tansyk" barada bilmän bir zatlar diýipdirin. tansygyň hereketli nagyşdygyny sizden öwrendik. minnetdar. janyňyza saglyk we galamyňyza ýitilik dileýän.

запомнить
Забыл пароль \| Регистрация

E-mail:
Пароль: