Name: Sen "Söýgi" diýilse, nämä düşünýäň?..
Item: Sen "Söýgi" diýilse, nämä düşünýäň?..
Author: Мango

Baş sahypa » » Sen "Söýgi" diýilse, nämä düşünýäň?..

16:28 Sen "Söýgi" diýilse, nämä düşünýäň?..
Sen «Söýgi» diýilse, nämä düşünýäň?! Şeýle bir bilesim gelýär pikriňi. Men üçin-ä söýgi — seniň gözleriň, Söýgi — seniň şol gözleriň kirpigi. Söýgi — seniň aýaklaryň ädimi. Söýgi — seniň gol uzadyp durmagyň. Men dünýäň gurluşyn geň görüp ýörkäm, Gelip, öz kalbymda dünýä gurmagyň. Söýgi — seniň oýa batyp oturşyň. Söýgi — seniň aýdýan, aýtjak sözleňem. Men «söýgi» diýdim-de, saňa düşündim, Mümkin, muny geň görýändir özgeler. Mümkin, olar öz ýanyndan «Söýgi has beýik ahyr!» diýýändirler, ähtimal... Ýöne, menem peseldemok söýgini, Sen söýgi dek beýge galdyň, mähriban! © Aýgül GARAÝEWA
1 2 3 4 5 Bölümler: Goşgular \| Görülen: 119 \| Mowzugy paýlaşan: aygull \| Teg: Aýgül Garaýewa \| Рейтинг: 4.7/6

Похожие материалы

Awtoryň başga makalalary

Ähli teswirler: 1
Порядок вывода комментариев: 1 1 Мango • 23:49, 19.06.2023 ilki goşgy barada: -gowy goşgy. indi söýgi barada anekdot: kolhoz döwri oba lektor gelipdir, leksiýa okap surat görkezmäge. leksiýa "söýgi barada" diýip bildiriş berýäler. agşam klub oba adamlaryndan hyryn dykyn bolýar. hemme kişi söýgi temasyndan gürrüň diňlärmen, surat görermen. lektor gürrüňe başlaýar: - söýgüniň 4 görnüşi bar. birinji görnüşi - aýal bilen erkegiň arasyndaky söýgi. ikinji görnüşi - aýal bilen aýalyň arasyndaky söýgi. üçünji görnüşi - erkek bilen erkegiň arasyndaky söýgi. dördünji görnüş söýgi bolsa söýgüleriň iň beýigidir - bu söýgi mähriban partiýamyza bolan söýgi. geliň indi bu barada surat hem göreliň... :-) dogrudanam biz "Söýgi" diýilse, nämä düşünýäris?..

запомнить
Забыл пароль \| Регистрация

E-mail:
Пароль: