Täsirlendiriji

AÝGÜL, bu goşgyñy okap,ertekä düşen ýaly bolaýdym. Birinji surady hasam ýerine düşdi. Bir wagtlar dogrudanam bahar gowydy. Emma indi bahar hoş ýakman başlady näme üçindir

"Meni bahar ogurlady," bolmaly asyl nusgasy...(((

Muny öñ okamda halap alyp goýupdym, asyl nusgasyndan köp üýtgedimika?! Adyny üýtget diýseñiz üýtgederin:)

Ylhamyñyz joşup dursun!

Eger mümkin bolsa asyl nusgasyny okasak gow-a bolardy))

MENI BAHAR OGURLAPDY...

Meni bahar ogurlapdy...
Özümiň özümi aňmaýan wagtym.
Aglamaly pursatlara düşünmän,
Gülmeli zatlara aglaýan wagtym,
Müýnsüz çaga wagtym,
Ala-ýaz wagtym,
Meni bahar ogurlapdy...

Meni bahar ogurlapdy...
Heniz goşgy-şygyr ýazmaýan wagtym,
Bulutlaryň suratyny çeksemem,
Entek eger-eger ýagmaýan wagtym,
Sowuk wagtym,
Şindi ýanmaýan wagtym,
Meni bahar ogurlapdy...

Meni bahar ogurlapdy...
Säher wagty — guşlaň saýraýan wagty,
Meniň syrly ahwallary saýgarman,
Birin beýlekiçe saýmaýan wagtym,
Harsal wagtym,
Ham wagtym,
Meni bahar ogurlapdy.

Bir elinde galam, birinde sazy,
Mele saçy örülendi gül bile.
Hem meniň ýoklugym bilinmez ýaly,
Maňa öwrüp bir saýrak dil bilbili,
Heniz çaga wagtym, ençe ýyl ozal,
Meni bahar ogurlapdy ir bile...

Ýöne men yzyma dolandymmy, ýok,
Ony bahar bilýär, özüm bilemok...
Çünki şondan soňra ne aý, ne mahal,
Ýüregimde ýaz meň,
Kalbymda bahar...

Gowuja goşgy, hasam redaktirlenen görnüşi jana ýakymlyrak. Aýgül jigim gaýrat, et, galamyň batly bolsun!

Dostlar,
Mango daýy görünmeýär soňky günler!? Eýgilikdir belki!? Habaryňyz barmy? Jany sag, keýpi kökmüdir?

Bilmedik, @Ybraýym aga, belki işler bilen başagaýdyr, esasy saglyk bolsun, Mangoň pikirlerine, teswirlerine, postlaryna bizem sabyrsyzlyk bilen garaşýarys! Saglyk bolsa bolýa-la..

menä, "alyp gaçdyly" däl-de "ogurlapdyly" wariantyny has haladym.

Bir elinde galam, birinde sazy,
Mele saçy örülendi gül bile.
Hem meniň ýoklugym bilinmez ýaly,
Maňa öwrüp bir saýrak dil bilbili,
Heniz çaga wagtym, ençe ýyl ozal,
Meni bahar ogurlapdy ir bile...

saýrak dil bilbil gyza öwrüldi.
gyz ýüregi ýaz bahara....
geň wakalar, geň öwrülişik.
bäş ýyldyza basýan.
Aýgül hanyma üstünlikler.

Ybraýym däde, aladaňa minnetdar.
bardyrys, janymyzam şükür sagdyr.
käwagt ýitýän, soň tapyp getirip ýerinde oturdýan.
ýitmejek bolarys. sizem aramyzdan aýrylmaň.

Aýgül, seni bahar ogurlaman ýugrylapdyr. Onuň hamymaýasy gün-günden kuwwatlanyp, kämilleşýär. Tüweleme! Göz degmesin!
Sen alaja dakynmaly

Aýgül salam!
"Meni öwrüp bir saýrak dil bilbile" bolaýmasyn?! ("Meni bahar ogurlady").

Salam Kakajan aga. Ýok, maňa öwrüp

Maňa şol setiriň manysyny düşündirsene!

Goşgyny düşündirip bolýarmyka, Kakajan aga? Onda-da synanyşaýyn. Meni öwrüp...diýmek bilen, bahar ozalky meniň öňki içgysgynç ruhumy nirädir bir ýere ugradyp, deregine saýrak guşuň ruhuny saldy diýjek boldum. Başgalar bilmez ýaly, ol meniň diňe ruhumy üýtgetdi, ýüz keşbim şol öňküligine galdy.
Ýöne men yzyma dolandymmy, ýok,
Ony bahar bilýär, özüm bilemok.
Çünki şondan soňra ne çag, ne mahal,
Ýüregimde ýaz meň,
kalbymda bahar.
ýagny meniň üçin şondan soňra diňe bahar pasly dowam edýär.

Maňa öwrüp bir saýrak dil bilbili...
Bir sayrak dilli bilbili maňa öwürdi...

Bäh, indi şuň yaly yerbe-yer elementar sözlemlerem düşündirmeli bolupdyrow Aygül...

Belki, men bilbile öwrüldim diýmelidirin-de, ony diýmän, bilbil maňa öwrüldi diýenim üçin hasap soraýandyrlar,Maksat?!

Ellenmedik görnüşi gowy ýaly eken. Aýgüliň galamy bildirýär. Owadan setirler bar-aý, berekella eken.