08:56 Şert ýa-da Şertli äht | |
ŞERT ýa-da ŞERTLI ÄHT  Bolýa-da, Onda bary-ýogy birje sekuntlyk, Zeminiň üstünde hereket galsyn, Onsoň men goýaýyn seni söýmämi, Onsoň men hiç haçan seni söýmäýin! Goý, bir sekunt, ho-ol, bulutlar ýüzmesin, Howa-da süýşmesin, aýlanmasyn Ýer. Goý, bir sekunt öýkenlermiz süzmesin, Goý, bir sekunt munda aýňalmasyn ýel. Bikarar şemal-a asl-a bolmasyn, Getirmesin kebelegin gülleriň. Meniň ömür gamsyz gezmegim üçin, Eý, Bägüller, bir sekuntlyk sülleriň! Goý, şol sekunt saýramasyn hiç bir guş, Hiç bir haýwan öz hininden çykmasyn. Eý, Garynja, bary-ýogy bir sekunt, Hereketsiz wagtyň görjek, çyk basym! Deňizler, derýalar akmasyn goýsun, Goý, bir sekunt dem almasyn daglaram. Baglaram bir sekunt Zeminsiz oňsun, Goý, Zeminem unutsyn öz baglaryn.... Goý, bütin Barlyk maňa garaşsyn doňup, Togtaýsynlar är ömründe bir gezek. Şonda bary-ýogy birje sekuntlyk, Ähli güýjüm jemläp, undup dünýäni, Iň soňkuja gezek men Seni söýjek!.. 28.08.2003ý. | |
|
| |
| Ähli teswirler: 1 | |
|
| |
