23:01 Watan | |
 WATAN Hatar ýollaň maňlaý öpen togabym, Owal-ahyr sensiň sogabym, Watan! Ýazan dälsiň ýazgydyma ýamanyn, Uçrajak şatlygma sebäbim, Watan! Müşgillik ýok, daýanjymdyr barlygyň, Gül görkli ýaýlaňdyr lälezarlygyň, Ataryp gazanňa hyýal känlerin, Ýyldyzňa aslyşar ynamym, Watan! Teşne kalba erki ýörän köwser sen! Tapyp bormy sen deý mähri agtarsaň? Daban ýeriň bagta çümen altyndan, Synaňda ýerleşmiş ýüregim, Watan! Däldir senden üzňe garaşyk, tobam, Bilegi çyzgalgy täleýme iman, Men kime diýeýin, ýellerňe diýmän, Ýetikdir ýagşy söz unaryň, Watan! Tapylar kemalym, hergiz gowşaman, Bijämdedir yşky saba-agşamyň, Gujagyňda daň agynan göwsüňiň, Ýatandyr peýmanly halalym, Watan! Idip barýan ýazlaryňda ýalkaw bar, Seri joşly daglaryňda ylham bar, Bürgüt men, seň etegiňde pel-pelläp, Mähriňe çoýunyp duraýyn, Watan! Düzdür ykbal, jäheklidir gül ýüzüň, Tuguň deý belentdir ertä ümzügiň, Ýanbermez kuwwatdyr taryh ýerligiň, Arşa hyjuw alýar beleňim, Watan! Dözülmezmi, ödelmezmi hak duzuň, Sensiň iki dünýe sarsmajak dinim! Heňňam içre dagdan ýasan umydym, Sensiň könelmejek şygarym, Watan! WATAN Sen örküm ekeniň, Durkum ekeniň, Ýasalan ekenim gysym laýyňdan, Ellerim, aýaklam, tutuş bedenim, Nur çaýan ekeniň akar çaýyňdan. Ýüzüme, Çyrag dek goşa didäme Sepipsiň gözellik suwundan pürküp, Aňym ýetip, akyl ýetirdim saňa Asyl sen ekeniň meň tutuş durkum. Öýlänçi deý geçip gider ekeni, Çagalygyň şagalaňly şowhuny, Damdyryp goýnuňa gözümiň ýaşyn Hem saňa aýdardym ähli derdimi. Sen barlyk ekeniň, Hem täk ekeniň. Yssy mähriň bilen meniň gözüme Şeýle bir ullakan äpet dünýäsiň, Tutuş ýer şaryna dolup durşuňa Gijeler asmana gözümi dikip, Göz öňümde seni şeýle görýärdim. Gözellik ekeni goýnuň durşuna, Gojaman berdaşly daglaryň bilen. Şahasynda miweleri bol biten, Almaly, enarly baglaryň bilen. Sen aýdym ekeniň, owaz ekeniň, Sowulmaz döwranly bir wagt ekeniň. Gül goýnuňda ýaşamak ne lezzetli, Bagtly ile berlen ak bagt ekeniň. © Aýşat HOJAMUHAMMEDOWA | |
|
| |
| Ähli teswirler: 0 | |