Name: Ýadyma düşýär..
Item: Ýadyma düşýär..
Author: Pero

Baş sahypa » » Ýadyma düşýär..

09:58 Ýadyma düşýär..
ÝADYMA DÜŞÝÄR... Ýadyma düşýär. Giň eýwanyň ortasynda kiçijek Gübürdäp-gübürdäp ýanýan gara peç. Golaýjakda ak igiňe güýmenip, Süýjili süýjigap, Basrylgyja duran demli çäýnegiň. Egniňde (çalaja solupdyr az-kem) Şäherden getiren gülli köýnegim. Mal-gara ýerinde. Sowuk daşary, Kemşerip dur ýüzi tutuk bulutlar. (Goşgularym okan borly ertirden) Içki otagdan sesi gelýär jigimiň: “Eje, gyzyň söýgi hakda ýazypdyr”. Aljyraýşym... “oka  diýdiň  hemmesin”. Jan eje, bukma kyn müýnli gözlerim. Şol pursat sop-sowuk hut suw ýylan deý, Ysgyny-mydary gitdi dyzymyň. Utandym, utandym ilkinji gezek, Gorkdym, hyýallarma düşmersiň öýdüp. Onsoň dymmaklygňy ak pata ýorup, Söýgi goşgularym köpeldi şeýdip. Indi-indi her baramda gijeler, Düşbi bolupdyryn... diňleýäň otrup. Iň bolmanda sen bir bilewer, eje, Ýazýanymy diňe göz öňme getrip. ...Bilýän, şu wagtjyk girensiň öýe, Diränsiň arkaňa pagtaly ýassyk. Gynanarsyň öýdip, aýdyp bilemok, Gübürdeýän pejmiz... sowuk gijeler, Ýorganymy başa çekip, gözümi Bir nokada dikip, ýatyryn sesiz. © Aýşat HOJAMUHAMMEDOWA
1 2 3 4 5 Bölümler: Goşgular \| Görülen: 88 \| Mowzugy paýlaşan: Medicall \| Teg: Aýşat Hojamuhammedowa \| Рейтинг: 4.7/3

Похожие материалы

Awtoryň başga makalalary

Ähli teswirler: 3
Порядок вывода комментариев: 0 1 Pero • 11:39, 26.03.2023 Soñky sözinde bir harp düşüp galypdyr. Aýşat gowy ýazýa. Beýleki goşgylarynam okanym üçin aýdýan,ol erkin ýazýar. Üstünlikler! 0 2 Мango • 21:23, 26.03.2023 bu goşgyny 2021-de okan ekenim. şonda-da şeý diýen ekenim: "ÝADYMA DÜŞÝÄR..." gowy çykypdyr. haladym. ýürekdeş, duýguly... "Golaýjakda ak igiňe güýmenip"-den soň sözlemi tamamlamadyk ýaly... güýmenip näme edip otyr, ýagny "güýmenipden" soň süýjigabyň, demli çäýnegiň, könelişen gülli köýneginiň "suratyny çekýäň" ýöne sözlemi jemlemeýäň.. "Kemşerip dur ýüzi tutuk bulutlar" berekella! "Düşbi bolupdyryn... diňleýäň otrup". beýtseňem bolýamy? "Bir nokada dikip, ýatyryn sesiz". "sessiz"mi? ---- umumy kartinany owadan "çekipsiň". hudožnik bola. gowy zat bolupdyr. üstünlikler. 0 3 Мango • 21:26, 26.03.2023 gübürdäp ýanýan gara peç, ak ik, süýjili süýjigap, basrylgyja duran demli çäýnek, çalaja solan gülli köýnek... bu detallar ýamman mährem, maňa enemi ýatlatdy. belki size-de öz eneňizi, mamaňyzy ýatladandyr.

запомнить
Забыл пароль \| Регистрация

E-mail:
Пароль: