21:03 Bokurdagy galan ýigit | |
| BOKURDAGY GALAN ÝIGIT Plassmasja gapjagaza gaplanan, Doňdurmajyk doňdurdy oň bogazyn. Bokurdagy gögerýärmi nädýärmi?! Bilenok nä bolanyn. Bilmezçe-de däl-ä ýöne, Öňňin arakesme wagty, Okuwdan bir sypagada, Iýdi gaplanan doňdurma. Iýdi özem, baý-baý iý-dä, Ilki gezek iýýän ýaly, Biri iýme diýýän ýaly, Haýdap-haýdap, Haşlap-haşlap... Öýe gelen dessine-de, Bir gyzdyrdy, bir üşütdi. Bokurdagy «aşyk» bolup, Käýinç sözem eşitdi. Telefonda janygsa-da, Ejesi kän janygsa-da. Saklanyp bolaýýarmy nä?! Işdäň gyssasa. Şeýdip bokurdagy galan, Ýigit sesinden galdy, Bir söz diýjek-diýjek bolup, Ge-ge-, «se»-sinden galdy. Ökünýär ol, Näler, näler. Öýkünýär ol, Näler, näler, Öňküje sagat bolşuna, Öňküje Myrat bolşuna. Bokurdagy ýumşap kem-kem, Çişjagazy aýrylaýsa, Gyzgynjak süýt, derman-däri, Çişjagazy aýyraýsa, Bokurdagy galan ýigit, Ýalňyşyndan aýňalaýsa, Aýňalaýsa, aýňalaýsa, Çişjagazy aýrylaýsa... © Gurbanmyrat SARYÝEW | |
|
| |
| Ähli teswirler: 3 | |
|
| |
