19:31 "Ejeme gowuşmaly güldesse" goşgular toplumyndan | |
 SENIŇ ÜÇIN, EJE Meň üçin garraýan ejem, Meň üçin armaýan ejem, Neneň halyň, Taplaň ýegmi?! Nähili bolaýanda-da, Haýyş başyňy bir egme! Sen meni ömürli etdiň. Sen meni köňülli etdiň. Ýogsam şahyr aýtmyşlaýyn: «Betdim, nähili betdim». Saçlaryň ak – sebäbi men, Gynanjyň, begenjiň menden. Ýöne ine bir gün ger-ä, Eger-eger, oýun-çyndan, Seň näzik göwnüňe degmen. Men gujaklap ýörmerin zol, Baryp ýüregim gujaklar. Ýüregňi, güler ýüzüňi, Arzuw-umytlarym ogşar. Ynan, ulalar giderin, Saçym agarar seňki deý. Ile goşularyn şeýdip, Çüwer gider-le meňki heý. Hemem alada ederin, Şu günümi, ertirimi. Bu ýyllar öçüribersin, Günälermi, bilmänlermi, Goýman syratly görkümi. Bolýa, ykbal, seni goýsa, Seň üçin garrasam, arsam. Ahyry arzuwlaryňy, Durmuşa geçirip barsam... EJE Gysylyp täleýiň towna, Ýaşaýan derde gowrula, Meni kerwene dogrula, Eje. Egsildim, gussaň tebitine, Nesibäm gezýär ymsyna, Seretsene, meň ebtime, Eje. Gözýaşym nemlär ýaglygym, Hasratly ýoldan agdygym, Diý ýene-de: «Oguljygym», Eje. Yhlasym bolupdyr y:kgyn, Gaýgylar dünýäme akgyr, Edeýin men nämä ýykgyn, Eje? Gowşady zeminden örküm, Nämeleri diýmez her kim, Bersene, olaryň merkin, Eje. Gör-ä, kiçelipdir kalbym, Ýüzüm dertli, içim ýangyn, Ýitiripdirin beren dogmuň, Eje. Kemalsyz ekenim doglan, Neçün synam dogram-dogram?! Dünýä berdiň şahyr oglan, Eje. EJEMIŇ AHWALY Bar zat gowluk bolmalydy, Seniň pikiriňçe, eje. Geljekki ykbalym seni Goýýar ikirjiňe, eje. Bilýän, toýa-tomga çyksaň, Biraz gürrüňçi aýallar: «Ogluň okuwa girdimi?» diýip, tekrarlap sorarlar. Ana, şonda seniň ýüzüň, Gyzar gider meň derdimden. Diliň uzynlygny däl-de, Gysgalygyny berdim men. Sen diýersiň: «Ýok, girenok, Yhlasa edýär o çagam. Şu ýyl talyp bolsun diýip, Dileýär kakasy dagam». Soň turarsyň toý ýerdenem, Uzyn ýoly haýal ýöräp, Öýe gelersiň, men welin, Bilmerin ýagdaýyň sorap. Hemişeki ýaly soňra, Bagryňa basyp diýersiň: «Gürrüňden gutular ejeň, Senem okuwa girersiň». HAÝYŞ Men ýaşaman bilmeýärin, Duýgulaň gapysyn kakyp. Görýärin arzuwlarymy, Elmydama aýna bakyp. Uly arzuwlam sygardan, Dogrusy, aýnam kiçeňräk. Eje, kemsinme goňşular, Geçse agtygyn güjeňläp. Olaň çagalary mydam, Hereketdedirler görseň. Ogluň şygyrly dünýäsin, Käte pikir edip gör sen. Iller gün-güzeran üçin, Geçýärkäler munça ýoly. Aklym ýazlan-ýazylmadyk, Ýazjaklarymdan dos-doly. Onsoň senem düşün, eje, Bilmeýänme il deý ýaşap. Galamy bir goý diýmegin, Diýme, ogluň galar boşap *** Asmandaky gök kepderi, Gögeren göwnümdi, eje. Ine, şu goşgy depderim, Ýaşalan ömrümdir, eje. Ýyllar ýyndam ýyldyrymdan, Günlerem gyzgalaň, eje. Köp ýykylyp bu ýüregim, Tapyndy gozgalaň, eje. Ýygra ogluň açylmady, Maňlaýyman ýygra, eje. Çar tarapym bäş bolsady, Sygmadym hiç çygra, eje. Illeň çagasy otmuka?! Ýansam tüsseleýän, eje. Ýollaň uzakdygnam bilip, Ýene assalaýan, eje. Çaga diýip aýnamaýyn, Ýaşymam ýigrim bäş, eje. Muňa seretme, günälem, Egnime agram daş, eje. Daş keşbimiň üýtgeşmesi, Iň bärkisi bilseň, eje. Ýüregim ýygyrt-ýygyrtdyr, Bir darkaşyp gülsem, eje. Ylgap ýören aýaklarym, Gör, nirlerden ätdi, eje. Synagdyr diýdiň durmuşa, Synap ogluň nätdi, eje?! © Gurbanmyrat SARYÝEW | |
|
| |
| Ähli teswirler: 3 | |
|
| |
