17:51 Maýyp goşgular | |
| MAÝYP GOŞGULAR Sizi her okamda nebsim agyrýar, Gyýylýan, gynanýan... maýyp halyňyz. Ýüregim sançýar, başym agyrýar, Nirä elter göýdük barýan ýoluňyz. O ne beýle kim sebäpli maýyp siz, Biriňde «ýürek» ýok, biriňde «kelle». Sizi şeýdip dünýä beren «awtorlar», Özi sagat ýaşap ýörmi şu pille?! Göwni agyrmazmy sizi göräýse, Kömek ýa ýardamy etmezmi heý-de. Utanç gerek, wyždan gerek, ar gerek, Maýyp «çagaň» ölüp-öçüp ýörer-de. Neneň, nädip gynanmaýarkalar hiç, Şeýdip haýsy menzile çen gitjek siz?! Tankytçylar ursa-sökse, käýese, Maýyp bolup, nädip çydam etjek siz?! Käbiriňde eýäň beren pişegne, Direnmeklik ýoň bolupdyr görýäris. Bu gün täze gazetde ýa žurnalda, Maýyp çaga dünýä indi diýýäris. Edebiýata kyn ahyry her-haçan, Döräp dursa kemis-kemis goşgular. Mundan habary ýok awtor kişiler Yzyňyza maýyp «jigi» goşdular. Goşgy – Hakdan gelýän ylahy güýçden Pata alyp, dünýä sagdyn inýändir. Maýyp goşgy dörände-de kynçylyk, Ony awtor «dogurmanam» bilýändir. © Gurbanmyrat SARYÝEW 12.06.2023ý. | |
|
| |
| Ähli teswirler: 4 | |
0
0
0
| |
