23:30 Bu döwür - döwran! | |
 BU DÖWÜR - DÖWRAN! Diýdim:,,Ýagşy zamandyr”. Diýdi:,,Bu hem düýş bolar” Magtymguly Pyragy Diýdim:,,Serwim, teşneýem!” Diýdi:,,Gel, men çeşmeýem!” Diýdim:,,Geldim müň gezek!” Diýdi:,,Ýok, nika gerek!” Diýdim:,,Bolmazmy ykrar?!” Diýdi:,,Duşurar ykbal” Diýdim:,,Kimsä aýandyr?!” Diýdi:,,Yşkym haýamdyr!” Diýdim:,,Gama goýma sen!” Diýdi:,,Bagty boýla sen!” Diýdim:,,Duýgym ýagyr, heý!” Diýdi:,,Sabyr agyr, heý!” Diýdim:,,Muňa dözüm ýok” Diýdi:,,Söýgä sözüm ýok” Diýdim:,,Şygrym dert egser” Diýdi:,,Ömür bir eser” Diýdim:,,Dälem men bilbil” Diýdi:,,Baýlygyň bilgil!” Diýdim:,,Başda müň sowal” Diýdi:,,Yşksyz kalp sowar” Diýdim:,,Bagt ýoly kaýda?” Diýdi:,,Gözlerim aýdar” Diýdim:,,Munda kän oýun” Diýdi:,,Bolma sen boýun” Diýdim:,,Ömür bir pursat” Diýdi:,,Wadada dursak...” Diýdim:,,Sensiz bihuda” Diýdi:,,Düşmeris jyda” Diýdim:,,Özge idemen!” Diýdi:,,Sende didelem!” Diýdim:,,Päk söýgim – umman” Diýdi:,,Yşkyňa gurban!” Diýdim:,,Eýlärem höwes” Diýdi:,,Bolmaz ol hebes” Diýdim:,,Wysal ýazymdyr” Diýdi:,,Mertlik lazymdyr!” Diýdim:,,Yşk ömre many” Diýdi:,,Baýlygy, bary!” Diýdim:,,Ýarsyz ýaşamak kyn” Diýdi:,,Gamlanma,toý ýakyn” Diýdim:,,Ýylgyr, ýar, ýylgyr!” Diýdi:,,Ýylgyran ýyldyr!” Diýdim:,,Kalpda ynam bar” Diýdi:,,Yhlas – howandar” Diýdim:,,Gidermi ýele?!” Diýdi:,,Göreşen ýeňer!” Diýdim:,,Ýollar ýagtydyr!” Diýdi:,,Wysal wagtydyr!” Diýdim:,,Galmasyn arman!” Diýdi:,,Bu döwür – döwran!” Nury SAKÇYÝEW 2023.04 | |
|
| |
| Ähli teswirler: 2 | |
|
| |
