15:26 Jümleler | |
 JÜMLELER Durmuş we arzuw başga-başga zatlar. Arzuw amala aşyp biler, emma ol durmuşda arzuwdaky ýaly bolmaz. Durmuş we arzuw köplenç halatlarda parallel çyzygy ýada salar, aňsat kesişmezler. Emma arzuwsyz ýaşap hem bolmaz. Şonuň üçin, arzuwy öz ýolundan,durmuşy öz ýolundan “tigirlemäge” çalyşmaly. * * * Ilki bagta mynasyp adam bol, soň bagt dile! * * * Mydama düşnüksiz bir duýgynyň keýpimi bozuşy ýaly, şu pursatda ýene-de şol düşnüksiz duýgy meniň keýpimi göterdi. * * * Bu dünýä ýeke gezek gelýän ynsan bütin ömrüni diňe bir zada bagyşlasa,onuň bolsa soňy puç bolup çyksa,ine bu iň aýylganç zat bolsa gerek. * * * Aslynda her ynsanyň özlügi perişde ýaly, emma ol ulaldygyça özlüginden daşlaşýar. * * * Kimdir biri meni tankyt etse, asla hapa bolman. Sebäbi olaryň aýtjak bolýan zatlary maňa eýýäm aýan. Men diňe özüme temmi bermek üçin özüm hakdaky pikirimi başgalara tassykladýaryn. Bu bolsa özüme iýgenmek häsiýetimi işjeňleşdirýär. Maňa geregem şol-da. * * * Öz-özüme adalatsyz daramagym başgalaryň men babatda adalatly bolmagyna azda-kande ýardam edýär. * * * Bagt hem meň ýaly bir duruksyz, käte keýipli,käte keýps * * * Döredijiler bizden öňkülerdir,biz bolsa ýöne bir timarlaýjylardyrys. * * * Ah,arzuwym,seni ýatlamajak bolup beýnimdäki pikirleriň düýbüne çümdim,bolmady,pikirleriň çür depesine çykdym ýene bolmady. Görüp otyrsam sen hemme ýerde ekeniň. * * * Seniň ajy sözleriň meni zäherlese-de söýgümiň süýjüligi meni ölümden halas eder. * * * Umyt-bu uçgun,ynam-bu alaw(ataş). Adamda ilki uçgun döreýär,sonam uçgun alaw alýar Eger-de bir kişi hemme kişä ýarayan bolsa,onda onuň şonça-da ýüzi bardyr. © Meñli AŞYROWA | |
|
| |
| Ähli teswirler: 6 | |
|
| |
