Name: Kine
Item: Kine
Author: Medicall

20:40 Kine
KINE Men indi hiç haçan söýmek islämok, Ham hyýala aldandy bu göwün ýar. Seni söýüşim deý söýmäniň üçin, Ýüregime ornaşypdyr düwün ýar. Haýyşym, ýolumy büreme güle, Elwan çeçeklere agyrýar nebsim. Söýgi wadalaryn almagyn dile, Söndi meniň bagta bolan höwesim. Synan göwün indi seýik tutmaz ýar, Jaň etme, hemme zat indi meňkilik. Sensizem bu günler asuda geçýär, Hiç bir zatda duýulanok kemçilik. Bilýärmiň käteler ýatlaýan seni, Gül tahýama nagyş çeken halatym. Asyl bagtyň çyn keşbini tanaman, Söýülip, söýmedik, eý, bedibagtym. Garaşanyň çykmadymy ykbaldan, Salgymy çyn söýgi saýan mähriban. Ynamyny tala daňan ynsanyň, Gursagynda seni çoýjak mähri bar. Ötegçi duýgular gozganok kalby, Ham-hyýala aldananok göwün ýar. Söýgüde bijämiň çykmany üçin, Ýüregimde ýer tutypdyr düwün ýar. © Bagtygül TEKÄÝEWA
1 2 3 4 5 Bölümler: Goşgular \| Görülen: 76 \| Mowzugy paýlaşan: Bagty \| Teg: Bagtygül Tekäýewa \| Рейтинг: 5.0/2

Похожие материалы

Awtoryň başga makalalary

Ähli teswirler: 6
Порядок вывода комментариев: 1 1 Medicall • 20:55, 12.04.2023 "Sensizem bu günler asuda geçýär, Hiç bir zatda duýulanok kemçilik." Heýt boýdaş, şujaz setir bilen içjagazyny ýakaýypsyñ - la, oñ :) Diýdim-a saña bahym ugradaryn ylhamy sen tarapa diýip:) HALADYM! Ylhamyñ joşup dursun! 1 2 Мango • 01:37, 13.04.2023 birinji kupletde: Ýüregime ornaşypdyr düwün ýar. iň soňkyda hem: Ýüregimde ýer tutypdyr düwün ýar. öýkelek goşgy. 1 3 Pero • 09:39, 13.04.2023 Salam Bagty! Habarlaşmanymyza köp wagt geçdi... Saña indiki ýazjaklaryma dogry düşünjegiñi bilenim üçin ýazýan: Soñky döwürde döredijilik,onda-da goşgy babatda bir pikire geldim,ýagny bizi ýazmaga iterýän durmuş meseleleri,"apy-tupanlar" ýa-da bagtly pursatlar bolsun,garaz hemmesini şo durşuna geçirsek şygryýet bolar gürrüñsiz. Emma duýgularymyzy şo durşuna däl-de başga zatlaryñ üsti bilen duýgusuny berip bilsek,onda eýýäm bu sungat derejesine çykýar. Islendik ugurda sungat derejesine çykmak bolsa kämilligi añladýar diýip düşünýän. Şoñ üçin duýgularymyzy simwollaryñ üsti bilen añlatsak(az ya kän mukdarda ýada tutuşlayyn) sungata golaýlap bileris belki. Şeýdibem aslynda pynhan bolmaly duýgularymyz hem-ä açylman galar üstesine-de okyjy barybir eserde kine barmy,peryat barmy,bagt barmy duýar. Sen bu yazanlam barada nähili pikir edýañ? Aslynda bu sorag hemme saytdaşlara-da degişli. 0 4 Bagabat • 10:04, 13.04.2023 . 0 5 Mergenowna • 10:12, 13.04.2023 Aýdym etmeli akgynly ajaýyp goşgy 0 6 Mergenowna • 10:17, 13.04.2023 Şahyrlañ hemmesi bir meñzeş ýazsa goşgy okasym gelmezdi. Açyk ýazýanyñ başga, dymyk ýazýanyñ başga lezzeti bar. Bagtynyñ goşgysynyñ saza girip duran hiñlenip okadýan heñi bar.

запомнить
Забыл пароль \| Регистрация

E-mail:
Пароль: