21:24 Ýaly men | |
ÝALY MEN  Bossan içre ýalňyz bägül, Bir görseň, çemen ýaly men. Enä meňzeş giň sähramyň Ak süýdün emen ýaly men. Mahal-mahal batly urýan Ýürek bilen söhbet gurýan, Garyp diýip bagry girýan Şa gyzy Senem ýaly men. Duşdum bagta seýrek-setan, Bilmedim, nämedi hatam?! Gyzyna umytly ataň Derdini kemen ýaly men. Men nire, bu ykbal nire, Zyban sözüň gülün tirer, Hiç duýdurman ömre giren Armany ýeňen ýaly men. Kän ýykyldym, galdym munda, Synady pelek oýnunda, Säw bilen haltaň goýnunda Gizlenen temen ýaly men. Yşk – ähli zadyň çözümi, Boýnuma aldym dözümi, Ýunusyň galan sözüni Aýtmaga gelen ýaly men. © Gurbanjemal ANNAKOWA | |
|
| |
| Ähli teswirler: 0 | |