15:19 Medeniýetiñ toýunda | |
MEDENIÝETIÑ TOÝUNDA  Ýazylýar Galkynyşly döwrüň täze ykbaly, Ýyllar ajapdan-ajap, günler ýagşydan-ýagşy. Barha gülleýär sungat, şygryýetiň ak ýoly, Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! Ylham berýär eýýamyň Watan hakda namasy, Il-günüň şanyna şan gatan hakda namasy, Bizdedir hanlar hany, danalaryň danasy, Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! Pyragynyň heýkeli halky Gün deý çoýup dur, Nusgalyk ýörelgämiz giň äleme ýaýyp dur, Şägirtleriň dilinde Gammar baba, Aýdyň pir, Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! Dünýä ýüzi haýranda bagşy bilen ozana, Şirwan perde saýranda, jahan dolar gazala, Alkyş joşýar ýürekden Watan wapsyn ýazana, Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! Baýdyr halkyň geçmişi gahrymana, hüýrlere, Gorkut ata, Görogly, ýene kän-kän şirlere, Diýipdirler: «Taňrynyň nury siňmiş bu ýere», Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! Taýsyz genji-hazyna – alabaý, bedew atym, Arkadagly Serdaryň ünsündedir sungatym, Gutly bolsun baýramy milli ruhy gymmatyň, Magtymguly Pyragy – türkmeniň köňül nagşy, Medenýetiň toýunda, saýra, şahyr, joş, bagşy! © Gurbanjemal ANNAKOWA | |
|
| |
| Ähli teswirler: 0 | |