11:31 Noýabr | |
 NOÝABR Ýazmazlyga ýok hiç hili bahana, Al galamy, ak kagyzy boýaber. Gyşyň habaryny buşlap jahana, Ýene biziň bilen joşýar noýabr. Ýakymy başgaça çygly howanyň, Bu günler köp gezmeleýäň daşarda. Oýlandyrýar gowy eserleň dowamy, Gijelerne uklamaýaň başarsaň. Alada hem ýok-la uklamaz ýaly, Müň şükür, ähli zat ýerli-ýerinde. Altyn güýz toý edýär, duşýar wysaly, Çykyp arly ýylky bergilerinden. Şemal jaýlaň aýnasyny kakyp ýör, Guýýar ýagyş soňky damjasyna çen. Gury ýer ýok, daş-töwerek misli köl, Adyllygy şu pursatdan öwrenseň. Guşlar uçmaz, göwün uçar bu pursat, Üns bermän senä, Bakman sagada. Ýürek diýýär: Barlyk şunlugna dursa, Hem durmasa, ýyllar ömre nobata. © Gurbanjemal ANNAKOWA | |
|
| |
| Ähli teswirler: 1 | |
|
| |
