10:51 Şygyr ýazylmaýar... | |
| ŞYGYR ÝAZYLMAÝAR... Ömre mätäç däldir hakyky şygyr, Onda ne ýaş bolar, ne-de bir çygyr. Ýazyksyz çaga ol, paýhasly dana. Käte düze meňzär, käte-de daga. Asyrlaň aňynda aýlanýan akym, Akyllaň alnynda saýlanýan nakyl, Ony ýyllar, ýollar, ýazlar unutmaz! Her kesler, söhbetler, sazlar unutmaz! Akyl gazanynda, ýürek odunda Bişirlen setirler dünýäň ýadynda. Sözüň gudratyndan çekilen nagşyň, Mesgeni ýürekde, töründe Arşyň. Şygyrdyr eserleň soltany-hany, Ol şeýlebir inçe misli bir haly, Sözleri - gölleri, setiri - erşi Birikdirýän köpri Ýer bilen Arşy. Nika gyýyp, sözleň başyny çatyp, Duýgudyr pikiri setire çitip, Dil bilen däl, ýürek bilen okalýan Şygyr ýazylmaýar, Şygyr dokalýar! 16.07.2023ý. Nury SAKÇYÝEW | |
|
| |
| Ähli teswirler: 0 | |