22:09 Watan — meniň barlygym | |
 WATAN — MENIŇ BARLYGYM Watan — meniň bar zadym. Watan — meniň barlygym. Ilki gezek suwsamda, Ajygamda ilki gez, Seniň suwuň içipdim, Iýipdim myssyk nanyň. Watan — meniň bar zadym. Emedekläp gitmegi, Öwrendim topragyňda. Aglasam gözýaşlarym, Sylypdy sergin şemal. Seň söýgiňden uly ýürek, Ýaşap ýörendir, ýok güman. Watan — meniň zar zadym, Doýamok hiç mähriňden. Ýogsa, ýigrim bäş ýaşadym. Ulaldym, kemala geldim. Nesipli boldum gijäňden, Hiç ýerde ýok sabalaňdan, Ap-aýratyn säherleňden. Watan — meniň zar zadym, Söý, ezizle bar zadyň. Seni dile doga edip, Gezmesem bolmaz-a ýaşap. Şu toprakda gürledim men, Seň diliňde gürledim men, Ilki gezegim dil ýasap. Watan — meniň öýüm, ýerim. Saňa damdy halal derim. Ýüregmi seň topragyňdan ýasady, Gudraty Güýçli Taňrym! Içimde-de sen ýaşaýaň, Daşymda-da ýaýylan sen. Onsoň men neneň gideýin?! Gitjek ýerimem seň mesgeniň. Watan — meniň bar zadymsyň! Watan — meniň zar zadymsyň! © Gurbanmyrat SARYÝEW. | |
|
| |
| Ähli teswirler: 0 | |