Name: Patrakçy daýza
Item: Patrakçy daýza
Author: lirika

Baş sahypa » » Patrakçy daýza

20:49 Patrakçy daýza
PATRAKÇY DAÝZA Bazaryň içinde aýlanyp ýörsüň, Eliň iki paket doly patrakly. Bir, iki, üç, bäş manatdy bahalar, Seň arzuwyň hemmesini satmakdy. Sökdüň giň bazary, aýlanyp çykdyň, Patrajyklar iki ýeke azalýar. Ýöne adamlaryň islegi-dä bi, Patrak däl-de, azyk haryt soralýar. Mündüň, düşdüň awtobuslaň içini, Derdiň bilen bölek-bölek etdiň-de. Men şu gün teňňämi dözmezlikden däl, Müň dürli ham-hyýallary etdim-de... Alaýmadym, patrajyklaň ýekesin, Ýeri awtobusyň ugramasy nä?! Seň ornuňa onlap enäni goýup, Ýüregimiň meni dogramasy nä?! Men-ä garap galdym, senem kemşerdiň, Belki, häzir öýňe pulsuz barýansyň. Agtyklaň, çagalaň öňünde boýnuň Alaçsyz ýagdaýda burup durýansyň. © Gurbanmyrat SARYÝEW
1 2 3 4 5 Bölümler: Goşgular \| Görülen: 95 \| Mowzugy paýlaşan: Saryýew \| Teg: Gurbanmyrat Saryýew \| Рейтинг: 5.0/2

Похожие материалы

Awtoryň başga makalalary

Ähli teswirler: 6
Порядок вывода комментариев: 0 1 lirika • 23:26, 27.04.2023 Enäniñ çülpeleriniñ öñünde pul tapman boýnuny burup dursy birhiliräk dämi? Üstünlikler seniñ gosgularyñ barmyka diýip ýadymy dörjeläp görsem: ,,Bile düsen suratymyzyñ bilseñ, Sen bar bölegini asak epledim. Gije içim gyssa, käte küýsesem, Eplenen suraty açyp öpmedim." -diýen ýalyrak setirler çykdy :) 0 2 Saryýew • 07:15, 28.04.2023 Bolanyna görä nirede çap bolanymam aýdaýyň? 5-6 ýyl mundan öň çykypdy öz-ä.... 0 3 lirika • 07:55, 28.04.2023 Garagum zurnaly öýdýän... 0 4 Saryýew • 08:29, 28.04.2023 Beh, doly görnüşini tapsaňyz özüme-de gerekdiii. Şol wagtky goşgularym ýok özümde. Her näme-de bolsa okab-a görerdim-aý... 0 5 Мango • 09:12, 28.04.2023 Alaýmadym, patrajyklaň ýekesin, Ýeri awtobusyň ugramasy nä?! "Alaýjakdym welin, bu awtobusyň ugramasy nä" diýseň bu AHMYR (wyždan azaby) bolýar, emma: "Alaýmadym, ýeri awtobusyň ugramasy nä" diýseň bu eýýäm BAHANA bolýa. goşga görä gahryman awtobusy bahana edýär... almajak adam awtobus ugramasa-da almyýa, ugrasa-da almyýa... gowy ýa erbet diýip biljek däl, diňe hindi kino ýaly diýesim kakyp du. 0 6 Мango • 09:17, 28.04.2023 hää... soňlama-da patrak satýan daýzaň çagalarynyň öňünde boýny bükükligini däl-de özüniň 1 manady gysganyp, indem wyždanynyň öňünde boýny bükükligi bilen tamamlasa has bet (bet diýmellälem welin) has ýagşy boljagyndan eken. sebäp, adam günäni özünden gözlemeli, özüni günäkärlemeli.

запомнить
Забыл пароль \| Регистрация

E-mail:
Пароль: