Name: Abdalyň oýy
Item: Abdalyň oýy
Author: Мango

Baş sahypa » » Abdalyň oýy

08:57 Abdalyň oýy
ABDALYŇ OÝY Ýoklugyň ýoklugy, gadryn bildirýär, barlygyň barlygyn. Giňlik syzdyrýar, darlygyn darlygyň, epgek garlygyň, töklük “arlygyň”, meslik armagyň, gitmek galmagyň... Göweçde erän zer, alyndan syrygan der, süýekden doly Ýer, gazylan-gazylmadyk gör, adalat hem zulum, zor... Bize näme aýdýar, syrdan püre-pür dünýä?!... Ýorubilmän ýanýa, ýürek... Oň näsine gerek? Barmy bir derek, Pelek! Kalbyny kirşen basan abdal, Aňzaga lukma, zowwama gaýsar, Jebrana hemdem, Harysa ýoldaş, Barýar ol nirä? Pellesi daş, ýoly mübtela, tobasy tekepbir, pygany pakyr, hijrany müdim... Çaňlara boýalan, hyrkasy gadym. Wysaly ýormak, ýoklugyn ýoklugyň, barlygyň barlygyn... Demsalym görmek, didaryn, Görkli Taňryň... Nämeler samraýarsyň, syrdan püre-pür dünýä?!... Ýorubilmän ýanýa, ýürek... Oň näsine gerek? Barmy bir derek, Pelek! © Öwezgeldi BEGLIÝEW
1 2 3 4 5 Bölümler: Goşgular \| Görülen: 65 \| Mowzugy paýlaşan: Bagabat \| Teg: Öwezgeldi Begliýew \| Рейтинг: 5.0/4

Похожие материалы

Awtoryň başga makalalary

Ähli teswirler: 1
Порядок вывода комментариев: 2 1 Мango • 15:20, 10.01.2023 Öwezgeldi kakaň adyndan aýdylan Abdalyň oýlanmasyna düşünmek kyn... sebäbi Magtymgylam "Abdal maňa eded jamyn sunaly, mesjit kaýsy, mährap kaýsy, bilmedim" diýýär. Abdalyň sunan ebedilik jamam, oý-pikirem taýýarlykly okujyny talap edýän ýaly... Nämeler samraýarsyň, syrdan püre-pür dünýä?!... Ýorubilmän ýanýa, ýürek... hawa, dünýä syrdan-püre pür... bu syrly goşgyňam syryny çözjek bolmaly... Kalbyny kirşen basan abdal, Aňzaga lukma, zowwama gaýsar, Jebrana hemdem, Harysa ýoldaş, Barýar ol nirä? abdalyň kalby kirşenli? aňzak, zowwam... Jebran, Harys... oturyp çigit çigitlän ýaly gaýrat etmeli...

запомнить
Забыл пароль \| Регистрация

E-mail:
Пароль: