Bäh, surata seretsene, surata!
Munça manyny şujagaz şekillere sygdyraýmak diýilýäni.
Özümiň şuň ýaly zatlary çekip bilmeýänime içim ýanyp gitdi. Käte Ennio Morrikoneň sazlaryny diňläniňde, Belmondoň, Alen Delonyň, Tihonowyň rollaryny synlanyňda-da şuň ýaly "ak bahylçylyk" emele gelýär.
Edil türkmen ruhunda beýan edilen In we Ýan ýa-da Sansaraň çarhy ýaly. Gapylaram çarhy-pelek şekiline täsir edýär.
Sorag baram döreýär:
"Aýal bir gapydan, erkegem başga gapydan, her haýsy öz gapysyndan girýär?" diýjek boldumyka?
"Erkek garraýar, aýal-a ýaş bir köpük, düýbünden täsir etmeýär" diýdigimikä?
Haýsysy asman, haýsysy Zemin - Aýalmy, erkekmi?
Ortanjy gapy, her haýsyň aýrylykda gelýän gapyňdan iki bolup bilelikde çykyp gitmekmi? Ýaşyňdan ýaş görünseň-de, garryňdan garry görünseň-de?
Ýa bular ataly-gyzmy?
Gaýynatasy bilen gelnimi?
Belki Ýaradany ynsanlar şeýle ýaşuly hökmünde görýändirler?
Ýa-da Öwezdurdy Nepesiň "Zyýarat" romanynyň baş gahrymanynyň bigünä bendilikde şyltak atylyp ezýet çekdirilýärkä boý gyz şekilinde düýşüne girýän Hudaý ýaly, ynsanlaram Ýaradany Ene keşbinde göz öňünde getirýändirler?
Gapylaram, şeýlebir köne, şol birwagtda-da şeýlebir özüneçekiji owadan...
Umuman.
Aperin hudožnik ekeni.
Sag bol ýetireniňe.