Terjime Hyzmatlary:

ses.terjime@gmail.com

telefon: +99363343929

MEŞHUR AWTORLARYMYZDAN
EDEBIÝAT KAFESINDE
Durmuş adaty bolardan has süýji, Men howa şarynda uçup barýaryn
© AÝGÜL BAÝADOWA
EDEBIÝAT KAFESINDE
Häzir size hakykat barada Bir erteki aýdyp berjek, diňlemäň...
© SEÝRAN OTUZOW
EDEBIÝAT KAFESINDE
Azajyk ýazylan zatlary okamagy halaýan. Sebäbi gysga zada başlaýaň we tamamlaýaň
© MANGO
EDEBIÝAT KAFESINDE
He-eý guşlar Siz ýöne-möne däl, Ýedi gat ýeriñ Hut teýinden - kapasa bedenden Çykan guşsuñyz. U-ç-u-u-u-ñ!!!!!
© MEŇLI AŞYROWA
Meniň ölmezligim şundan ybarat!
© MERDAN BAÝAT
EDEBIÝAT KAFESINDE
Baş sahypa » 2023 » Февраль » 22 » Ahwal
01:11
Ahwal

"AHWAL


Käte sowal berýän:
«Neneň adam men?»
Aýna baksam ýüzüm nätanyş ýaly.
Gözüm ýumsam
keşbim çykýar ýadymdan,
Uka gitsem uçup barýan guş ýaly.

Solýaris kanuny — elhenç sazlaşyk,
Ýaýdanýan, çekinýän, gorkýan aňymdan.
Pikirlerim kem-kem materiallaşyp,
Matal ýöriş bilen çykýar alnymdan.

Gün älemi — hal-ahwallar älemi,
Bolan-bolmuş degresinden gitmeýär.
Alymmy, şahyrmy, telbe-dälimi…
Pikirler, duýgular, sözler ýitmeýär.

Adam bu dünýäde adam gözleýär,
Ruhuna mähriban, süňňüne eziz.
Kemini örtübräk ýalan sözleýär,
ýalanyn ýapmaga gözleýär delil.

Emma sözler uzak sapardan soňra,
Eýesiniň aýagyna baş goýýar.
Arşyň ammaryna goşulyp şonda,
Öz dogduk kalbyny baky boş goýýar.

Jan — göwräniň bir bigünä derwüşi,
Derwüş dymýar, dymyp diýýär:
«Sen neneň?!»
Pikirler — adamyň gaýyp görnüşi,
Ilçi bolup arşa ugrar ruhdan öň.

Haýyr-şeriň labyryndan boşadyp,
Ýola salsa ýaşaýyşly bu kenar,
Adam pahyr garyp göwnün hoş edip,
Arzuwlarny, aýdan sözlerni tanar.

© Seýitmyrat GELDIÝEW
Bölümler: Goşgular | Görülen: 113 | Mowzugy paýlaşan: Medicall | Teg: Seýitmyrat Geldiýew | Рейтинг: 4.8/5
Похожие материалы

Awtoryň başga makalalary

Ähli teswirler: 6
avatar
0
1 Kyyas • 01:19, 23.02.2023
Ýetireniñize minnetdar
avatar
0
2 Medicall • 01:22, 23.02.2023
Sagboluñ, öñki zametkamda duran goşgulardan bular
avatar
0
3 Aksary • 08:34, 23.02.2023
Bu goşgynyñ ady AHWAL bolmagy mümkin
avatar
0
4 Kyyas • 08:41, 23.02.2023
Şeýle öýtýän
avatar
1
5 Мango • 10:57, 23.02.2023
ýürege jüňk sözler.
"Pikirleriň materiallaşmagy" - dogry zat şu.
umuman, biziň amallarymyz, ýagşy niýetlerimiz... asmanda toplanýar diýilýär. asmanda diýsem adres berdigim däl, ýöne many - olar ýitmeýär, zaýalanman saklanýar, soň eýesine haýyr berer ýaly... (umuman)

Gün älemi — hal-ahwallar älemi,
Bolan-bolmuş degresinden gitmeýär.
Alymmy, şahyrmy, telbe-dälimi…
Pikirler, duýgular, sözler ýitmeýär.

hawa, şo diýýänim "sözler ýitmeýär".
şu sözi gygyryp aýdaýynla: SÖZLER ÝITMEÝÄR.
şoň üçrip sözlerde seresalyk saklaň.
sözler - hasap güni biziň haýrymyza ýa zyýanymyza bolup biler. sözler ýitmeýär!

şahyryň sagdyn pikirleri bar.
jan saglyk we üstünlikler dileýän.
avatar
0
6 Medicall • 21:23, 23.02.2023
Goýamda zametkada atsyz goýupdyryn, ýogsa öñ kitapçyda-da özüm goýupdym, ady ýadyma düşmedi-de goyaydym agşam, geçiresiz, düzederin, indikile gaýtalamaryn))
Войдите:
avatar

Старая форма входа
Bu gün saýtda bolan agzalar
Nurdаn
Total users: 203
STATISTIKA
Онлайн всего: 8
Гостей: 8
Пользователей: 0