12:32 Ak goşgy | |
AK GOŞGY  Nirede sen? Sesim eşderdenem alysdamyñ ýa? Ýa joram aýtmyşlaý halys "Ýalñyş ýerde, ýalñyş wagtda..." (Wah, ol beýem diýmändi-le. Gödegräk aýtdy dogrusy) Nirede sen? Setirlerim mätäç ýaly Hut senden geljek ylhama. Geñem görünäýýärmi ýa, Yhlasym çyr-çytyr edip, Ylham ugrunda ylgamak. Bilýäñmi, indi dünýäde Ýaşamak kyn umytlaryñ Gutarjak - gutarjagynda. Wiý, aýtmak ýatdan çykypdyr Töwekgel gyz däldirin men. Men diñe garaşyp bilýän Sabrym synap, yhlasymyñ "Çüw atyndan" agaýmaly pursady garaz, ahyrsoñunda Geljegiñe söz berseñ. 04.12.2022ý. YHLAS Duýýan! Men ýazasym gelip ölüp barýaryn. Ýa ölesim gelip barýanmy ýazyp? Göwnüm, kime öýkünýäniñ mälimmi? Ýa-da başardyñmy öz-özüñ bolup? Bu ylham neneñsi owadan ylham ! Gelmän-gelmän gelendenmi eý, Hudaý. Häzir barmagymda ereýär sözler Pikri neneñ elhenç " Ahyry guta:r! " Hoş gelipdir, gysga wagt galsa-da, (Şu çaka çen ol nirede güýmenmiş?!) Aýdylmakda gijä galynan sözler Däli dünýä şygyr bolup inermiş. Goşawujym dolup dursa goşgudan Synlap lezzet alsam, her jümlesinden Düşünseñiz, juda giç duşdum oña Goşgumy gysgansam geñ görmesinler. Şu netimde yhlas etjek, jan çekjek, (Ahyry myrada gowuşyp biler) Goşgulardan dünýä döretmesem-de, Dünýäni doldurjak goşgular bilen. 04.12.2022ý. RAHATLYK Ejemiñ ökjeli köwşüniñ bir wagt Aýagyma uly boluşy ýaly. Ýa men däli dünýä kiçi bolýaryn. Ýa-da dünýe maña bolýandyr uly. Ýogsa-da, kinniwan nokatmyşyk biz, (Ýadymda däl, nirelerden okadym?) Elim eñegimde oýa gidýärin: Aladasy bolarmy heý "nokadyñ". Ýyllar geñ rahatlyk eçildi ruha: Bagtyñ, bagtsyzlygyñ göwnejaýlygy. Bar mende jaý uçsa haýran galmajak, Ýegenmyradowyñ biperwaýlygy. Müñ ýola oý etseñ nepi degmejek. Pikirleri süýräp ýadaýar beýnim, Ejemiñ ökjeli köwüşlerini Süýrän aýagymyñ ýadaýşy deýin. 04.02.2023ý. Çeşmesi: https://biz.islenen.ru/22191-u-gezek-gara-cynym-.html. 04.02.2023ý. | |
|
| |
| Ähli teswirler: 0 | |