Name: Asman meniň saýawanym
Item: Asman meniň saýawanym
Author: Pero

Baş sahypa » » Asman meniň saýawanym

13:17 Asman meniň saýawanym
ASMAN MENIŇ SAÝAWANYM Gar ýagýar, agarýar dünýäniň reňki, Asman saýawanym ygally günler. Ýagyş-garda maňa busma gerek däl, Goý, ýagsyn üstüme ap-ak gar güller. Çünki gar meňki. Trolleýbus meňki, awtobus meňki, Gar geýinen şäher meňki durşuna. Men gözümiň röwşenini siňdirýän, Oňa buýsanç bilen garap barşyma. Hol ýykylan çagajygy diňdirýän, Soň boýna mündürýän, keýp edýär ýaňky. Onuň menden sähelçejik beýgelen Beýikligi meňki Hem keýpi meňki. Duralgada duran şol gyz meňki däl, Meňki bolmanda nä ýaňagy meňli. Lak atýaryn, ol mylaýym ýylgyrýar: Diýmek, gül ýüzdäki ýylgyryş meňki. Gar ýagýar, gyzarýar gözelleň meňzi, Özgerýär ak zemin, Hiç zat öňki däl. Bu gün bu dünýäde ähli zat meňki, Diňe, diňe, diňe özüm meňki däl.
1 2 3 4 5 Bölümler: Goşgular \| Görülen: 67 \| Mowzugy paýlaşan: Bagabat \| Teg: Nobatguly Rejebow \| Рейтинг: 5.0/3

Похожие материалы

Awtoryň başga makalalary

Ähli teswirler: 2
Порядок вывода комментариев: 1 1 Pero • 18:55, 03.12.2022 Hemme zady özüñe alanam bolsañ özüñ özüñki däl wagty,diýmek hiç zat señki däl...hawa bize hemme zat amanat... 0 2 Мango • 09:43, 04.12.2022 Şeýdip okaýmasak, ýöriteläb-ä okamyzok (okamok). gowy goşgy eken. ähli zadyň seniň üçin ýaradylandygyny bilmek gowy. seniň özüňem seniňki däldigiňi bilmek öte gowy. —- trolleýbus… küýsäp gitdim özüni, şahynyň simden sypyşyny… Magtymguly prospektinden şolary taryhy nastolgiýa hökmünde ýekeje liniýa işledäýmelem ekenler. Stambulda-da taryhy gyzyl trambaý gatnaýar. ýöne, Gurbansoltan, Görogly, Andalyp köçelerinden metrobus liniýasyny göýbermegiň pikirini edip bolar. Aşgabada gerek indi metrobuslar.

запомнить
Забыл пароль \| Регистрация

E-mail:
Пароль: