18:18 Aý tapylmady | |
| Eý,perizat,seni gören günümde, Älemde janyma jaý tapylmady, Azaşdym men ýagty tünýäň tümünde, Gündiz Gün,gijeler Aý tapylmady. Söz gatdym göwnüňi güldürmek üçin, Sowuk bakdyň odum söndürmek üçin, Öz pynhan söýgimi bildirmek üçin, Sebäp tapylmady,saý tapylmady. Bir göreniň ýene geler bakasy, Arşdadyr bu görk-görmegiň sakasy, Baýlyk ýetmez,gymmat husnuň bahasy, Oňa tap getirjek baý tapylmady. Şanyňa söz gözläp,boldum Pyragy, Ýaňagyň köz,ak gar alkymyň agy, Aýlansam dünýäni,ýakyn-yragy, Gülýän gözleriňe taý tapylmady. Basalyk tapmadym özüm ýeňmäge, Yşk derdinden halas bolup,ýeňläre, Gyýma gara gaşlaryňy deňäre, Gadym Yspyhandan ýaý tapylmady. Aýna dek ýüzüňde keşbime bakdym, Garaşan ýyllarym apardy aklym, Söýüp,öz-özümiň raýymy ýykdym, Öz raýyma görä raý tapylmady. Aýlandym daşyňdan,kän etdim öwrim, Garasar deý uçdy ýigitlik döwrim, Döwkesen galadeý çat açdy göwnüm, Çeňkläre palçyk ýa laý tapylmady. Bagty bölip-bölip beren Hudaýym, "Dünýäniň bagtyndan al diýse paýyň" Seni saýlap alyp,diýerin"Aýym, Maňa şundan başga paý tapylmady". | |
|
| |
| Ähli teswirler: 0 | |