surat bir tüýslije, gelişmändir. Bir wagt bir žurnalda "Jedel" atly hekaýa çap edilende, iki sany "arra, bratok" diýýän ýaly ellerini salgap duran iki adamyň suratyny goýuşlary ýaly bolupdyr.
Goşgyň ady hem gelişmändir.
Umuman, Merdana diňe proza ýazdyrmaly... Aýgül näler özüni müýnli duýup, ony poeziýa gaýtarjak bolsa-da, muňa hergiz ýol bermeli däl))

Aslynda, Merdany şahyrdan ýazyja öwüren men-ä. Poeziýa asylam erkek kişiňki däl.
Häzir güpürdeşip üstüme gelmäkäler saýtdan cykaýyn)))

Poeziýa asylam erkek kişiňki däl

bul-a ho, küştçi filmde bar-a,

hany Artyk Jally dilli tüýdük çalýa sanatoriýada, beýleki dynç alýanlar güpürdeşip üstüne gelýäler. şonda Artyk Jally diýýä "ine, şujagazy çalamda şeýdýäler, muny çalaýsam (gargy tüýdük görkezýä) näderler öýdýäň?!".........

şonýaly bolupdyr

Aýgül genje, beterinden beterini tapýaňyz.

Aý, men ony-muny tapyp durjak-laý, elim degdiginden. ))

Bäh, zenanlar tötänden düşen hasaplaýardylar poeziýa. Pikirlenmeli. Merdan agaň goşgusy gowy-gowy.

Edebiýata poeziýa-da, proza-da zerur. Her kim (jynsyna seretmezden) zehininiň çatdygyndan döredibermeli. Bu dogry.
Ýöne, meselem, meniň üçin-ä proza has hupbatly, has hysyrdyly, hemmetaraplaýyn gaýraty talap edýär. Öwrüm taýdanam, göwrüm taýdanam şeýle. Durmuşda-da, düýpli  pikirlenmegi oňarýan  erkek kişiler (proza eserleri ýaly) uly işleri edýäler. Maşgalada-da agyr-artyk işler erkegiňki.
Poeziýa- inçe iş. Biz zenanlar keşde çekip otyrkagam içimizden goşgy döredip oturyp bilýäs. Onsoňam, her näme diýseňem, poeziýada gep owadanlanýar. Bu-da ýene zenana mahsus häsiýet. Elbetde, muny Rahat bn Begenç ret etjek bolýa welin, ony entek görüberýäs.
Teswir 5-e, zenanlary poeziýa tötänden düşen hasap edýänler sallançakda hüwdi diňläp ulalan däldirler, ahmal.

Bu diýseň, irnik mesele. Men hiç babatda-da iki tarapam peseltmek ýa beýgeltmek islämok.  Men prozany söýýän, prozaçyl men. Käşgä men bir gowy proza eser ýazyp bilsemdim, ýöne mende ne gaýrat bar, ne takat, ne-de bir dünýäni düzedip biljek filosofiýa...

Tüýs zenan men, tüýs zenan men, ylaýjak...

Aýgül genje pespällik eden bolýa, arzuwçyl Gulmyradyň nämesi kemmiş. harika hekaýa.

Merdan goşgy seýrek ýazsa-da, juda gowy ýazýar. Hekaýalary özüňize belli, öz stili bar. Duýgulary gowy berýär.

Proza-da, poeziýa-da ýapyk gapy däl welin, oňarýanam ýazjak bolýar, oňarmaýanam. (Öň kakam bilen küşt ýa şaşka oýnajak wagtymyz klişä öwrülip giden sözümizdi: Oýnap bilýänem oýnaýa, bilmeýänem! Biri-birimize kakdyrýadyk. Oýnuň dowamynda ýa başynda ýa birimiz utulanda, ýöne ýerinde ulanýadyk)

Edebiýatda kyn ýeri şaşka ýa şahmat ýaly utup ýa utulyp bolmansoň, oňarmaýanyny subut edip bolanok-da.

Ýene bir zat, bu goşgyny öňem okap halapdym.

hekaýalaram gowy, goşgusam gowy, ýazyjy hem şahyr, men-a haladym Aýgül, sagbol paýlaşanyňa we ýene paýlaşyp dur. Gowy, gowy!:)

Goşulýan. Ikisinem öz ýerinde oñarýa,tüweleme! Prozadaky dili ulanyşy dagy BRAVO diýdirýä,"kemine" dili bar.

Aýgül, men-a näler poeziýa zenanlar meşgullanmaly diýjegem welin, Magtymguly Pyragy, Gurbannazar Ezizow we ýene ýene ussatlar düýşüme girip ýatyrmaz öýdüp gorkýanam birhilije))

dogry aýdýaň aýaldogan, prozasy has ýokarrak, olam şol tarapa köpüräk geçesi gelýänindendir, ýogsa Aýgül diňe ŞAHYR  ýasardy Merdandan))

aýtmagy undupdyryn, jemleme Göroglyny ýatlatdy, "ýaramyz" "ýaralarmyz" edip alynsa dogrudanam gutuljak ýaly bolup dur bogun okalanda))

Teswir 12, seniň agzan ägirtleriň proza ýazan bolsadylar, wapşe super bolardy.

teswir 15. şonda-da olar POEZIÝAŇ agirtleri:)

Teswir 16, menem olary inkär edemok. 
Durmuşda-da erkek kişiň işini gül ýaly oňaryp ýören zenanlar az däl, edil şonuň ýaly, erkeklerem. 
Ýöne has gowy netije almak babatda aýtdym men. Düşündirip bilemok öýdýän.

Teswir 7, pespällik edemok, çynym bn. Näçe ýyl pikirlenip gezdim, Gulmyrat hakda. Şony erkek kişiler, meselem, Merdan ýa Maks, ýa-da Ahmet has gowy görnüşde, bir aýa-da ýetirmän ýazardylar.
Makalalaç özem ol.

Aýgül, "Gulmyrat" beýleki hekaýa ýazýançylañkydan beyle bir kem däl-le, olam özboluşly bir hekaýa. Diýmek prozada-da, poeziýada-da "ol jyns, bu jyns" tapawutsyz(rak) bolaymasa.(elbetde, hersiniñ öz sesi eşidiler barybir haýsy ýazsa-da:)) Hersinde iki jynsada başarnyk, zehin bolsa olam.

19, beýlekilerňkiden kem däldigi asla ýakymly habar däl. ))
Men jyns aýratynlandyrjak bolamok, ýene-de näçe aýmaly bolsa, aýdaryn. "Seniň goşgularyň gowy, ezizim. Hatda gowy proza döretmäge-de ýeterlik güýç bar sende. Synanyşyp görseň, nädýä?" diýenim bilen Merdana zyýan ýetirendirin öýdemok. Ýene-de kändir, poeziýasy gowy, ýöne prozasy hasam gowy boljak oglanlar.
Adam häsiýeti, ýaradylyşy boýunça özüne golaý zatlar bilen meşgullanasa, has köp zatlara ýetip bilýär. 
"Gulmyrady" ýazdym-da, goşgym bilen bolubersem kem bolmajakdygyna göz ýetirdim özüm-ä.

Gowy däl, gowy däl))

Onda Magtymgulam, Nobatgulam, Atamyrat aga hem, Atajan Annaberdem, Italmaz Akmyradam, Gurbannazaram, Kerim aga-da... we ýene-ýenelerem aňsadyna ýapyşypdyr. :)

Kän mähire çoýdum, köp serdim Güne,
Ezilen ýüregmi guradybilmän.
Arryjak bir seg deý kösendim gezdim,
Ejizlän ýerimde gurda bildirmän.

Neresse çaga deý aldandy duýgym.
Haýran, indi söýüldimmi, söýdümmi?!
Düýn bir şemal ýaglyk deýin galgatdy
Meniň dagdan agramlydyr öýdenmi.

Kalbyň ynjar eken döwülip ynam,
Hem ýakynlaň senden ýüzün öwürse,
Bildim günbatarda gowulyk ýogun,
Gün dogan wagtynda dodak çöwürseň.

Ýogsa artyk ýükem däldim illere,
Özüm çekip ýörerdim öz derdimi,
Ýa gam-gubar köp çökensoň göwnüme,
Aral deýin awundyrdym kendimi.

Wepaly dostum deý sadyk duýgular.
Ga:ldylar göwnümiň sakçysy ýaly.
Çyg çeken ýüregim doly arzuwdan,
Garrap giden gyzyň bukjasy ýaly...

©Merdan BAÝAT

Men ýene Merdan agaň sport makalalaryny edebiýat bilen baglanyşdyryp ýazyşyna hem aşyk.

Aýgüliň ýadyndamy ýa dälmi, bilemok, ýöne kiçiräk oglankam Aleksandr Ulýanowy Merdan Baýadyň keşbinde göz öňüne getirýänimi aýdypdym. Bilemok, häzirem şeýle pikirde. Bu pikire nämäň ýa nämeleriň sebäp bolanynam bilemok.

Merdan Baýat, Seýran Otuz, Nejep Baýat... Kiçilikden pikirlerine, zehinlerine, adamkärçiliklerine gözüm gidýän oglanlardy. Janlary sag bolsun.

Aýdypdyň, ýadymda, Pegas. 
Ýöne seň gözüňe Ulýanow bolup görünse-de, men-ä ony meňzedere taý tapamok))

o diýilýän adama düýbünden meňzeýän ýeri ýoklaý.